وراٹ کوہلی پر میچ فیس کا 20 فیصد جرمانہ عائد کیا گیا ہے۔
میلبورن ٹسٹ کے پہلے دن آسٹریلیا کی ٹیم کے بلے باز سیم کانسٹس نے بہترین نصف سنچری لگائی۔ تاہم ان کی اس نصف سنچری اننگ کے دوران وراٹ کوہلی نے انہیں ٹکرماردی۔ اب وراٹ کوہلی کو بڑی سزا ملی ہے۔ میچ ریفری نے پہلے ہی دن وراٹ کوہلی پرجرمانہ لگا دیا ہے۔ وراٹ کوہلی کی 20 فیصد میچ فیس کاٹی گئی ہے۔ رپورٹس کے مطابق، وراٹ کوہلی لیول-1 کے قصوروارپائے گئے ہیں۔ راحت کی بات یہ ہے کہ وراٹ کوہلی کوایک ہی ڈی میرٹ پوائنٹ دیا گیا ہے، جس کے مطابق، انہیں اگلے میچ میں معطل نہیں ہونا پڑے گا۔
وراٹ کوہلی نے کہا- ہاں، میں قصوروار ہوں
میلبورن ٹسٹ کے پہلے دن کا کھیل ختم ہوتے ہی وراٹ کوہلی کی میچ ریفری اینڈی پائے کرافٹ کے سامنے پیشی ہوئی۔ وہاں وراٹ کوہلی نے اپنا جرم قبول کرلیا۔ اس کے بعد میچ ریفری نے وراٹ کوہلی کی 20 فیصد میچ کاٹنے کا فیصلہ سنایا۔ میلبورن ٹسٹ کے پہلے دن 10واں اوور ختم ہونے کے بعد وراٹ کوہلی نے کانسٹس کو ٹکرماری تھی۔ وراٹ کوہلی دوسرے اینڈ پرسلپ کی طرف جارہے تھے اورسیم کانسٹس بھی اپنا اینڈ بدل رہے تھے۔ اس کے بعد وراٹ کوہلی سیدھے 19 سال کے اس بلے باز کی طرف چل کرآئے اورانہیں کندھا ماردیا۔ اس حادثہ کے بعد وراٹ کوہلی کی جم کرتنقید کی گئی۔
روی شاستری نے بھی کی وراٹ کوہلی کی تنقید
وراٹ کوہلی کی تنقید سابق ہندوستانی چیف کوچ روی شاستری نے بھی کی۔ روی شاستری میلبورن میں کمنٹری کررہے تھے۔ میچ ختم ہونے کے بعد تجزیہ (اینالیسس) کے دوران انہوں نے کہا کہ وراٹ کوہلی کو یہ سب کرنے کی قطعی ضرورت نہیں تھی۔ ویسے ایسا پہلی بار نہیں ہے، جب وراٹ کوہلی نے آسٹریلیا میں اس طرح کا جھگڑا کیا ہو۔ وراٹ کوہلی نے اپنے پہلے آسٹریلیائی دورے پرہی ناظرین کونازیبا اشارہ کیا تھا، جس کے بعد انہیں میچ ریفری سے سزا ملی تھی۔
سیمس کانسٹس نے کھیلی شانداراننگ
ویسے وراٹ کوہلی کی ٹکرلگنے کے بعد سیمس کانسٹس نے کمال کی اننگ کھیلی۔ اس 19 سال کے کھلاڑی کا یہ پہلا ہی ٹسٹ تھا اورانہوں نے پہلی اننگ میں ہی اپنی چھاپ چھوڑ دی۔ اس کھلاڑی نے جسپریت بمراہ کے خلاف ہی دوچھکے لگا دیئے۔ سیمس کانسٹس نے 65 گیندوں میں 60 رنوں کی اننگ کھیلی۔ اس کھلاڑی نے عثمان خواجہ کے ساتھ 19.2 اوورمیں 89 رنوں کی شراکت کی۔
بھارت ایکسپریس۔
