دہلی اسمبلی انتخابات کے پیش نظر عام آدمی پارٹی نے اپنے تمام امیدواروں کی فہرست جاری کردی ہے۔ عام آدمی پارٹی نے آج آخری فہرست میں 38 امیدواروں کے ناموں کا اعلان کرتے ہوئے امیدواروں کے ناموں کا حتمی اعلان کردیا ہے۔ اس آخری فہرست میں کئی اہم اور بڑے نام بھی شامل ہیں ۔ موجودہ وزیراعلیٰ آتشی کو ایک بار پھر کالکاجی سے ٹکٹ دیا گیا ہے، وہیں اروند کجریوال نئی دہلی سے انتخابی میدان میں اتریں گے ،ان کی ٹکٹ کا بھی اعلان کردیا گیا ہے۔
आज आम आदमी पार्टी ने सभी 70 सीटों पर अपने उम्मीदवार घोषित कर दिए। पार्टी पूरे आत्मविश्वास और पूरी तैयारी के साथ चुनाव लड़ रही है।
बीजेपी गायब है। उनके पास ना CM चेहरा है, ना टीम है, ना प्लानिंग है और ना दिल्ली के लिए कोई विज़न है। उनका केवल एक ही नारा है, केवल एक ही नीति है और… https://t.co/OQ4ehsfKHY
— Arvind Kejriwal (@ArvindKejriwal) December 15, 2024
مسلم امیدواروں کی بات کریں توآخری لسٹ میں تین مسلم امیدواروں کا بھی نام ہے۔ ان میں سے ایک موجودہ وزیرعمران حسین کا نام ہے ۔عمران حسین کو بلیماران سے ٹکٹ دیا گیا ہے،و ہیں شعیب اقبال کو مٹیامحل سے امیدوار بنایا ہے۔ حالانکہ اوکھلا سے امانت اللہ خان کے نام پر خطرہ منڈلا رہا تھا لیکن آخری فہرست میں اوکھلا سے امانت اللہ خان کو ہی پارٹی نے امیدوار بنایا ہے۔
Here is our fourth and final list for upcoming Delhi Elections ‼️
Congratulations to all the candidates 🎉
फिर लायेंगे केजरीवाल 🔥💯 pic.twitter.com/YVgypI9mR9
— AAP (@AamAadmiParty) December 15, 2024
عام آدمی پارٹی کی آخری لسٹ میں سابق وزرا اور موجودہ وزرا کو بھی ٹکٹ دیا گیا ہے۔ ستیندر جین جو سابق وزیر صحت رہے ہیں ان کو بھی ٹکٹ دیا گیا ہے اورانہیں شکوربستی سے امیدوار بنایا گیا ہے ،وہیں سوروبھ بھاردواج کو گریٹر کیلاش سے ،درگیش پاٹھک کو راجندر نگر سے ،سومناتھ بھارتی کو مالویہ نگر سے،مہندر گوئل کو ریٹھالہ سے،راجیش گپتا کو وزیرپور سے امیدوار بنایا گیا ہے۔
بھارت ایکسپریس۔
