تلنگانہ حکومت کی جانب سے عید میلادالنبی اور گنیش وسرجن کے پیش نظر میٹنگ کی۔
آخری نبی حضرت محمد مصطفیٰ صلی اللہ علیہ وسلم کی یوم پیدائش کا جشن یعنی عید میلاد النبیﷺ اس سال 17-16 ستمبرکو منایا جائے گا۔ پیغمبراسلام حضرت محمد مصطفیٰ صلی اللہ علیہ وسلم کے یوم پیدائش کے موقع پر تلنگانہ میں جلوس نکالے جانے کا منصوبہ تھا، لیکن اسے اب دو دنوں کے لئے ملتوی کردیا گیا ہے۔ یہ فیصلہ تلنگانہ حکومت نے لیا ہے۔ اس میٹنگ میں آل انڈیا مجلس اتحاد المسلمین (اے آئی ایم آئی ایم) کے رکن اسمبلی اور پارٹی سربراہ اسدالدین اویسی کے چھوٹے بھائی اکبرالدین اویسی موجود تھے۔
اطلاعات کے مطابق، یہ جلو 17 ستمبر کو نکلنے والا تھا، مگراب عیدمیلاد النبیﷺ کا یہ جلوس 19 ستمبر کو نکلے گا۔ تلنگانہ کی کانگریس حکومت نے جمعرات کو ایک میٹنگ میں یہ فیصلہ لیا۔ اس میٹنگ میں اکبرالدین اویسی بھی موجود تھے اوراتفاق رائے سے یہ فیصلہ لیا گیا ہے۔ دراصل اس فیصلے کے پیچھے آپسی بھائی چارہ کو برقرار رکھنے کی حکمت عملی اپنائی گئی ہے۔
మిలాద్-ఉన్-నబీ ప్రదర్శనలను సెప్టెంబరు 19 వ తేదీన నిర్వహించుకునేందుకు మిలాద్ కమిటీ ప్రతినిధులు అంగీకరించారు. మిలాద్-ఉన్-నబీ ఏర్పాట్లపై ముఖ్యమంత్రి శ్రీ ఎ. రేవంత్ రెడ్డి అధ్యక్షతన సచివాలయంలో సమీక్ష నిర్వహించారు. సెప్టెంబరు 7 నుంచి గణేష్ నవరాత్రి ఉత్సవాలు,… pic.twitter.com/nE81SfbIZH
— Telangana CMO (@TelanganaCMO) August 29, 2024
گنیش وسرجن 17 ستمبر کو
تلنگانہ کے وزیراعلیٰ ریونت ریڈی نے جمعرات کوعیدمیلاد النبیﷺ کے جلوس اور17 ستمبرکوگنیش مورتیوں کے وسرجن کے موضوع پر ایک اہم میٹنگ کی۔ اس میٹنگ میں ریونت ریڈی نے میلاد کمیٹی کے اراکین سے عیدمیلادالنبیﷺ کے جلوس کوملتوی کرنے کی ہدایت دی۔
میٹنگ میں ریاستی وزیرپوترم پربھاکراور ڈی شری دھر بابو، آل انڈیا مجلس اتحاد المسلمین کے رکن اسمبلی اکبرالدین اویسی اور میلاد کمیٹی کے اراکین شامل تھے۔ اس میٹنگ میں تمام امورپر تبادلہ خیال کیا گیا۔ اس کے بعد میلاد کمیٹی کے ار اکین نے ریاستی حکومت کے ذریعہ جلوس کوملتوی کرنے کی اپیل پراتفاق ظاہرکیا، جس کے بعد جلوس نکالنے کی تاریخ 19 ستمبر مقررکی گئی ہے۔
بھارت ایکسپریس–
