کانگریس کے سابق رکن اسمبلی آصٖف محمد خان کے ساتھ بدسلوکی کی گئی۔
دہلی میں اوکھلا سے سابق رکن اسمبلی آصف محمد خان کے ساتھ بدسلوکی کا معاملہ سامنے آیا ہے۔ آصف محمد خان کانگریس لیڈر اروندر سنگھ لولی سے ملنے کے لئے پہنچے تھے۔ انہوں نے اروندر سنگھ لولی اورسبھاش چوپڑا کی بی جے پی سے ملی بھگت کا الزام لگایا، جس کے بعد وہاں موجود کانگریس کارکنان نے ان سے جم کر بدسلوکی کی۔ یہاں تک کہ کچھ کارکنان انہیں دھکا دیتے ہوئے بھی نظرآئے اورآخرمیں سوسائٹی سے باہرنکال دیا۔
آصف محمد خان کا کہنا ہے کہ وہ بھی عام آدمی پارٹی سے الائنس کے حق میں نہیں تھے، لیکن اب اعلیٰ کمان نے فیصلے لے لئے تو ہم اس کے ساتھ ہیں۔ اعلیٰ کمان کو اروندرسنگھ لولی، سبھاش چوپڑا اورراجکمارچوہان کے خلاف کارروائی کرنی چاہئے، جس کے بعد اروندر سنگھ لولی کے گھر کے باہرموجود کارکنان نے جم کرآصف محمد خان کے ساتھ بدسلوکی کی، مارپیٹ اور دھکا مکی کے ساتھ انہیں سوسائٹی سے باہر نکال دیا گیا۔
اروندرسنگھ لولی کے استعفیٰ پرکانگریس کے سابق رکن اسمبلی آصف محمد خان نے کہا ہے کہ پارٹی میں اختلافات ہوسکتے ہیں۔ اگرلولی مایوس تھے اور استعفیٰ دینا چاہتے تھے تو خاموشی سے پارٹی کے صدرملیکا ارجن کھڑگے کو اپنا استعفیٰ دے دیتے۔ انہوں نے کہا کہ جس طرح سے لولی نے کھلے عام میڈیا میں جو خط جاری کیا ہے، اس سے ایک طرح سے راست طور پر بی جے پی کو فائدہ ہو رہا ہے۔ میں اتنا کہہ سکتا ہوں کہ آئندہ ایک دو دن میں ہرش ملہوترا کی جگہ لولی کو امیدوار ڈکلیئرکردیا جائے گا۔
#WATCH | Delhi: As Arvinder Singh Lovely resigns as Delhi Congress chief, former Congress MLA Asif Mohammad Khan says, “There might be differences in the party…If Lovely was disappointed, wanted to resign then he would have silently accorded his resignation to Mallikarjun… pic.twitter.com/e2eNLY1kg3
— ANI (@ANI) April 28, 2024
کانگریس نے ناراضگی کا حل نکالنے کا دیا حکم
کانگریس صدر ملیکا ارجن کھڑگے نے پارٹی کے تنظیمی جنرل سکریٹری کے سی وینو گوپال کو حکم دیا ہے کہ وہ اروندر سنگھ لولی سے بات کرے ناراضگی اور اختلافات کی وجہ کو سمجھیں اورمسئلے کا حل نکالیں۔ وہیں، کانگریس لیڈر سندیپ دکشت نے کہا کہ کانگریس صدر اور کارکن ہوکران میں (اروندرسنگھ لولی) میں ایک انفرادی درد ہے۔ ان کی تکلیف ہے کہ دہلی میں ہم اپنی پرانی طاقت کو لانے کے لئے جدوجہد کررہے ہیں۔
عام آدمی پارٹی نے کہا- یہ کانگریس کا اندرونی معاملہ
وہیں، دہلی کانگریس صدر اروندر سنگھ لولی کے استعفیٰ پرعام آدمی پارٹی کے لیڈراوردہلی حکومت میں وزیرسوربھ بھاردواج نے کہا کہ کانگریس پارٹی ہماری اتحادی پارٹی ہے اوران کی پارٹی کا یہ داخلی معاملہ ہے، مجھے لگتا ہے کہ وہی اس بارے میں بولیں توبہترہوگا۔ قابل ذکرہے کہ اروندرسنگھ لولی نے عام آدمی پارٹی کے ساتھ الائنس کا الزام لگاتے ہوئے کانگریس کے ریاستی صدرعہدے سے استعفیٰ دے دیا ہے، جسے منظور کرلیا گیا ہے۔
بھارت ایکسپریس۔
