پاکستان کرکٹ ٹیم۔ (فائل فوٹو)
ہرماہ کچھ نہ کچھ تبدیلی کرنے والی پاکستان کرکٹ ٹیم میں پھر ایک بڑی تبدیلی ہوئی ہے اور ٹی-20 ورلڈ کپ سے ٹھیک پہلے ایک بڑی تقرری ہوئی ہے۔ پاکستان کرکٹ بورڈ نے ہندوستان کو ورلڈ چمپئن بنانے والے جنوبی افریقہ کے گیری کرسٹن کواپنا چیف کوچ مقرر کیا ہے۔ پاکستان کرکٹ بورڈ نے کئی مہینوں کے انتظارکے بعد آخرکار ایک مستقل کوچ کو مقرر کیا ہے۔ خاص بات یہ ہے کہ پاکستان نے اس بار محدود اووروں اور ٹسٹ فارمیٹ کے لئے الگ الگ کوچ مقرر کئے ہیں۔
پی سی بی کے نئے سربراہ محسن نقوی نے اتوار 28 اپریل کو ایک کانفرنس میں نئے کوچنگ اسٹاف کی تقرریوں کا اعلان کیا۔ ہندوستان کو 2011 میں ورلڈ چمپئن بنانے والے گیری کرسٹن مئی کے ماہ میں انگلینڈ کے خلاف ٹی-20 سیریز سے اپنا کام شروع کریں گے۔ وہیں آسٹریلیا کے سابق سینئر تیزگیند بازجیسن گلیسپی کو ریڈ بال ٹیم کا چیف کوچ بنایا گیا ہے۔ ان کی مدت اگست میں بنگلہ دیش کے خلاف ٹسٹ سیریز سے شروع ہوگی۔
Gillespie to coach Pakistan in red-ball cricket, Kirsten in white-ball cricket
Details here ⤵️ https://t.co/GnCUDwPLfw
— PCB Media (@TheRealPCBMedia) April 28, 2024
ورلڈ کپ کے بعد سے نہیں تھا مستقل کوچ
گزشتہ سال ونڈے ورلڈ کپ میں پاکستانی ٹیم کی زبردست ہار کے بعد بورڈ نے کوچنگ اسٹاف میں بڑی تبدیلی کی تھی۔ ڈائریکٹر آف کرکٹ مکی آرتھر، چیف کوچ گرانڈ بریڈ برن اور ان کے اسسٹنٹ کوچ کو نیشنل کرکٹ اکیڈمی بھیج دیا گیا تھا اور پھرسب نے جنوری میں استعفیٰ دے دیا تھا۔ اس دوران پاکستانی ٹیم کی ذمہ داری الگ الگ سابق کھلاڑیوں کو غیرمستقل طور پر ملی تھی، لیکن پی سی بی کے نئے چیف محسن نقوی کے آنے کے ساتھ ہی مستقل اسٹاف کا اعلان ہوگیا ہے۔
2 سال تک رہیں گے کوچ
پاکستانی ٹیم اس وقت نیوزی لینڈ کے خلاف اپنے گھر میں ہی ٹی-20 سیریز کھیل رہی ہے، جس کے لئے سابق آل راؤنڈراظہرمحمود کو کوچ بنایا گیا تھا۔ گیری کرسٹن اور جیسن گلیسپی کے آنے کے بعد بھی اظہرمحمود پاکستانی ٹیم سے جڑے رہیں گے۔ انہیں سبھی فارمیٹ میں اسسٹنٹ کوچ بنایا گیا ہے۔ تینوں کوچ کو پاکستان کرکٹ بورڈ کی طرف سے 2 سال کا معاہدہ کیا گیا ہے۔ یعنی اس ورلڈ کپ کے علاوہ آئندہ سال ہونے والی چمپئنزٹرافی اور پھر 2026 کی ٹی-20 ورلڈ کپ تک گیری کرسٹن ٹیم کے کوچ رہیں گے۔
بھارت ایکسپریس۔
