آندھرا پردیش میں سڑک حادثہ
تروپتی: آندھرا پردیش کے تروپتی ضلع کے ستیہ ویدو میں کار اور بائیک کے تصادم میں تین مہاجر مزدوروں کی موقع پر ہی موت ہو گئی۔ یہ حادثہ تروپتی ضلع کے ستیہ ویدو بوچی نیڈو کانڈریگا منڈل میں پرلاپلی کے قریب پیش آیا۔ حادثے میں بائیک سوار تینوں کی موقع پر ہی موت ہو گئی۔
اطلاع ملنے پر پولیس موقع پر پہنچی اور لاشوں کو قبضے میں لے کر پوسٹ مارٹم کے لیے سریکالاہستی ایریا اسپتال پہنچایا۔ بتایا جا رہا ہے کہ مہلوکین الاتھور کے قریب ایک انڈسٹری میں کام کرتے تھے۔ پولیس کے مطابق یہ حادثہ سریکالاہستی سے واپسی کے دوران پیش آیا۔
اس سے قبل جمعہ کی صبح کرناٹک سے بھی ایسی ہی دردناک خبر آئی تھی۔ جہاں بس کو ایک طرف سے لاری نے زوردار ٹکر مار دی جس میں بس میں سوار 9 افراد کی موت ہو گئی۔ یہ خوفناک سڑک حادثہ کولار کے قریب نرساپور میں پیش آیا۔ بس بنگلورو سے تروپتی جا رہی تھی۔
آپ کو بتا دیں، 8 جولائی کو ہی آندھرا پردیش کے ایلورو ضلع میں ایک کار اور لاری کے درمیان تصادم میں تین لوگوں کی موت ہو گئی تھی۔ یہ حادثہ قومی شاہراہ پر دوارکہ تروملا منڈل کے لکشمی نگر کے قریب پیش آیا۔ مشرقی گوداوری ضلع میں پیش آئے اس واقعہ میں مرنے والے ایک ہی خاندان کے تھے۔ دوارکہ تروملا پولیس نے کہا تھا کہ یہ خاندان حیدرآباد سے گھر واپس آرہا تھا جب ان کی کار ایک کھڑی لاری سے ٹکرا گئی۔
بھارت ایکسپریس۔
