Rahul Gandhi Case: راہل گاندھی کی سزا کے خلاف کانگریس کا وجے چوک تک مارچ نکالنے کا اعلان، اپوزیشن جماعتوں کا بھی ملا ساتھ

مودی حکومت پر لگایا الزام

کانگریس لیڈر جے رام رمیش نے کہا، ’مودی حکومت انتقام اور استحصال کی سیاست کر رہی ہے۔ ہم لوگ مودی حکومت سے سیدھا مقابلہ کریں گے۔ آج (جمعرات) کو تقریباً 2 گھنٹے میٹنگ چلی۔ اس میٹنگ میں تقریباً 50 اراکین پارلیمنٹ موجود رہے۔‘ انہوں نے کہا، ’’یہ صرف قانونی معاملہ نہیں ہے، یہ سنگین سیاسی موضوع ہے، جو جمہوریت سے وابستہ ہے۔ یہ مودی حکومت کی دھمکی، ڈرانے، استحصال کی سیاست کی بڑی مثال ہے۔ اسے ہم قانونی طریقے سے لڑیں گے۔ یہ ایک سیاسی مقابلہ بھی ہے، ہم اس سے نہیں ڈریں گے۔‘‘

VIDEO | Congress leader @Jairam_Ramesh talks to media after a meeting of MPs and senior leaders at party president @kharge‘s residence. Earlier in the day, a Surat court sentenced Rahul Gandhi to 2 years imprisonment in the 2019 ‘Modi surname’ defamation case. pic.twitter.com/MeD5qjFkXM

— Press Trust of India (@PTI_News) March 23, 2023

وہیں، کانگریس جنرل سکریٹری کے سی وینو گوپال نے کہا کہ راہل گاندھی اڈانی معاملے پر بول رہے ہیں، اس لئے حکومت  راہل گاندھی کو خاموش کرانے کے لئے ہر ممکن راستہ تلاش رہی ہے، لیکن نہ تو راہل گاندھی خاموش ہوں گے اور نہ کانگریس پارٹی خاموش ہوگی۔

فیصلے کو چیلنج دینے کے لئے تیار

اس درمیان، ذرائع نے بتایا کہ پارٹی لیڈران نے اس بات پر تبادلہ خیال کیا کہ سورت کی عدالت کے فیصلے کو چیلنج دینے کے لئے فوری اقدامات کئے جائیں اور اس پر اعلیٰ عدالت میں اپیل کی جائے تاکہ اس پر روک لگے۔ انہوں نے بتایا کہ اس حکم کو چیلنج دینے کی عرضی تیار کی جا رہی ہے اور اسے ضلع اور سیشن عدالت میں داخل کیا جائے گا۔