-->
حکام کی فراہم کردہ اطلاعات کے مطابق نکسلیوں کے خلاف ایک تازہ کارروائی میں چھتیس گڑھ میں دو انکاؤنٹر ز میں ممنوعہ سی پی آئی (ماؤسٹ) کے کم از کم 22 ارکان مارے گئے۔
اطلاعات کے مطابق 18 نکسلیوں کو بیجاپور ضلع میں مارا گیا، جب کہ بی ایس ایف اور ریاستی پولیس کے ڈی آر جی اہلکاروں کی مشترکہ ٹیم نے کانکیر کے علاقے میں چار ماؤنوازوں کو گولی مار دی۔ عہدیداروں نے بتایا کہ آخری اطلاعات آنے تک کانکیر میں وقفے وقفے سے فائرنگ جاری ہے۔
انھوں نے بتایا کہ بیجاپور میں انکاؤنٹر میں ایک پولیس جوان بھی مارا گیا تھا۔انھوں نے بتایا کہ بیجاپور اور دنتے واڑہ اضلاع کی سرحد کے ساتھ واقع ایک جنگل میں صبح تقریباً 7 بجے دو طرفہ فائرنگ اس وقت شروع ہوئی جب سیکیورٹی اہلکاروں کی ایک مشترکہ ٹیم بیجاپور کے گنگلور تھانہ علاقے میں نکسل مخالف آپریشن کر رہی تھی۔
سینئر پولیس اہلکار نے بتایا کہ 18 نکسلیوں کی لاشیں اور آتشیں اسلحہ اور دھماکہ خیز مواد موقع سے برآمد کیا گیا ہے۔ انھوں نے کہا کہ ریاستی پولیس کے ڈسٹرکٹ ریزرو گارڈ یونٹ کا ایک جوان بھی گولی باری میں مارا گیا۔ انھوں نے مزید کہا کہ آپریشن ابھی جاری ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
