امریکی صدر ڈونلڈ ٹرمپ نے جمعہ کو بھارت کے ساتھ ایک ‘بہت بڑے’ تجارتی معاہدے کا اشارہ دیاہے، جو واشنگٹن اور نئی دہلی کے درمیان جاری مذاکرات کا نتیجہ ہو سکتا ہے۔ یہ بیان وائٹ ہاؤس میں ’بگ بیوٹیفل ایونٹ‘ کے دوران سامنے آیا، جہاں ٹرمپ نے کہا کہ ’ہم بھارت کے ساتھ شاید ایک بہت بڑا معاہدہ کرنے جا رہے ہیں، جس سے بھارت کے بازار کھلیں گے۔انہوں نے حال ہی میں چین کے ساتھ طے پانے والے معاہدے کا حوالہ دیتے ہوئے کہا کہ ’ہم ہر ایک کے ساتھ معاہدے نہیں کریں گے، لیکن ہم بڑے معاہدوں کی طرف بڑھ رہے ہیں۔
#WATCH | “…We just signed (trade deal) with China. We’re not going to make deals with everybody… But we’re having some great deals. We have one coming up, maybe with India, a very big one. We’re going to open up India. In the China deal, we’re starting to open up China.… pic.twitter.com/fJwmz1wK44
— ANI (@ANI) June 26, 2025
واضح رہے کہ یہ مذاکرات 9 جولائی کو ختم ہونے والی امریکی ٹیرف معطلی کی ڈیڈ لائن سے پہلے تیز کر دیے گئے ہیں، جب بھارت پر 26 فیصد اضافی ٹیرف عائد ہو سکتے ہیں۔ بھارتی وفد کی قیادت چیف نیگوسی ایٹر راجیش اگروال کر رہے ہیں، جبکہ امریکی ٹیم کی سربراہی یو ایس ٹریڈ ریپریزنٹیٹو کے حکام کر رہے ہیں۔ مذاکرات کا مقصد دوطرفہ تجارت کو موجودہ 190 بلین ڈالر سے بڑھا کر 2030 تک 500 بلین ڈالر تک لے جانا ہے، جس میں ڈیجیٹل تجارت، ٹیرف، مارکیٹ تک رسائی، فارماسیوٹیکلز، الیکٹرانکس، زراعت اور دفاعی سپلائی چین جیسے شعبوں پر توجہ دی جا رہی ہے۔
وہیں مرکزی وزیر تجارت پیوش گوئل نے کہا کہ وزیراعظم نریندر مودی اور صدرٹرمپ نے فروری 2025 میں ملاقات کے دوران ’منصفانہ اور متوازن‘ معاہدے پر اتفاق کیا تھا۔ امریکی وزیر تجارت ہاورڈ لٹنک نے بھی امید ظاہر کی کہ معاہدہ جلد طے پا جائے گا۔ تاہم، بھارت کے وزیر خارجہ ایس جے شنکر نے واضح کیا کہ ’جب تک سب کچھ طے نہیں ہوتا، کچھ بھی طے نہیں۔یہ معاہدہ بھارت کے لیے عالمی تجارت میں اہم موڑ ثابت ہو سکتا ہے، خاص طور پر چین کے ساتھ امریکی معاہدے کے بعد، جس میں نایاب معدنیات کی سپلائی شامل ہے۔ بھارت کی جانب سے بعض شعبوں میں ٹیرف صفر کرنے کی پیشکش کی خبریں ہیں، لیکن زراعت جیسے حساس شعبوں میں رعایت دینے سے گریز کیا جا رہا ہے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
