ممتا بنرجی اور ان کے بھتیجے ابھیشیک بنرجی۔ (فائل فوٹو)
West Bengal Assembly Election: دہلی اسمبلی انتخابات کے بعد اب مغربی بنگال میں انڈیا اتحاد کو دھچکا لگا ہے۔ ترنمول کانگریس کے قومی جنرل سکریٹری ابھیشیک بنرجی نے جمعرات کو واضح کیا کہ ترنمول کانگریس 2026 کے اسمبلی انتخابات اکیلے ہی لڑے گی۔ ترنمول کانگریس انتخابات میں کسی پارٹی کے ساتھ اتحاد نہیں کرے گی۔ تاہم، ابھیشیک بنرجی نے واضح طور پر کہا کہ ریاستی سطح پر اکیلے الیکشن لڑنے کے باوجود، ترنمول کانگریس مرکز میں انڈیا اتحاد کا حصہ رہے گی۔
آپ کو بتاتے چلیں کہ اس سے پہلے بھی 2021 کے اسمبلی انتخابات اور 2024 کے لوک سبھا انتخابات میں ترنمول کانگریس نے تنہا مقابلہ کیا تھا۔ ممتا بنرجی ریاست میں ”ایکلا چلو“ کی پالیسی پر عمل پیرا ہیں۔ اکیلے مقابلہ کرنے کے باوجود، ترنمول کانگریس نے گزشتہ اسمبلی انتخابات میں کامیابی حاصل کی تھی اور کانگریس کو ایک بھی سیٹ نہیں ملی تھی۔ اس کے ساتھ ہی لوک سبھا انتخابات 2024 میں ترنمول کانگریس کے ممبران پارلیمنٹ کی تعداد میں اضافہ ہوا تھا۔ بی جے پی کے ممبران پارلیمنٹ کی تعداد 18 سے کم ہو کر 12 ہو گئی ہے۔ اس کے ساتھ ہی کانگریس یا سی پی آئی (ایم) کا ایک بھی ایم پی منتخب نہیں ہوا ہے۔
2026 کے انتخابات اکیلے لڑے گی ٹی ایم سی
ابھیشیک بنرجی نے ان دعوؤں کو مسترد کر دیا کہ کانگریس کے ساتھ اتحاد بنگال میں لوک سبھا انتخابات میں بی جے پی کو 12 سیٹیں جیتنے سے روک سکتا تھا۔ ابھیشیک بنرجی نے کہا کہ لوگوں کی حمایت بہت اہمیت رکھتی ہے۔ پارٹیاں اکیلے لڑیں یا اتحاد میں اس سے زیادہ فرق نہیں پڑتا۔ اتحاد بنانے یا نہ کرنے سے دو چار سیٹوں کا فرق پڑ سکتا تھا، اس سے زیادہ کچھ نہیں۔ 2026 میں ممکنہ اتحاد کے بارے میں پوچھے جانے پر ابھیشیک بنرجی نے کہا کہ بات چیت کا دروازہ ہمیشہ کھلا ہے لیکن پارٹی نے اپنا موقف واضح کر دیا ہے۔
یہ بھی پڑھیں- Dalai Lama Security: مذہبی رہنما دلائی لامہ کی سیکورٹی میں اضافہ، مرکز نے دی Z زمرہ کی سیکورٹی
انہوں نے کہا کہ ترنمول کانگریس ایک بڑے مقصد کے لیے انڈیا بلاک کا حصہ ہے، لیکن بنگال میں ترنمول کانگریس نے ہمیشہ تنہا مقابلہ کیا ہے اور جیتی ہے۔ ترنمول کانگریس دوبارہ جیتے گی۔
-بھارت ایکسپریس
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
