ہندوستان نے خلائی گریڈ الیکٹرانکس میں دو 32 بٹ مائکرو پروسیسرز کی ترقی اور تعیناتی کے ساتھ ایک اہم سنگ میل حاصل کیا ہے ۔ VIKRAM3201 اور KALPANA3201 خاص طور پر لانچ وہیکل ایپلی کیشنز کے لیے ڈیزائن کیے گئے ہیں۔ یہ چپس اہم خلائی ٹیکنالوجیز میں خود انحصاری کی طرف ہندوستان کے سفر میں ایک اہم قدم کی نشان دہی کرتی ہیں۔
VIKRAM3201
VIKRAM3201 خاص طور پر پہلا مکمل طور پر مقامی، اسپیس کوالیفائیڈ 32 بٹ مائکرو پروسیسر ہے جو ہندوستان میں بنایا گیا ہے۔ اسے وکرم سارابھائی اسپیس سینٹر (VSSC) کے ذریعہ ڈیزائن کیا گیا ہے اور چندی گڑھ میں سیمی کنڈکٹر لیبارٹری (SCL) کی 180nm CMOS فیبریکیشن سہولت میں تیار کیا گیا ہے۔ یہ چپ اپنی پیش رو چپ یعنی 16 بٹ VIKRAM1601 سے جنریشنل بہتری کی نمائندہ ہے۔ پرانی چپ 2009 سے ISRO کی لانچ گاڑیوں میں استعمال ہو رہی ہے اور گھریلو ساخت سازی کی صلاحیتوں کے پختہ ہونے کے بعد اس کا مکمل طور پر ’’میک ان انڈیا‘‘ ورژن پہلی مرتبہ 2016 میں استعمال کیا گیا تھا۔
VIKRAM3201 کسٹم انسٹرکشن سیٹ آرکیٹیکچر کو سپورٹ کرتا ہے، فلوٹنگ پوائنٹ کمپیوٹیشن کی صلاحیتوں کو نمایاں کرتا ہے اور اڈا لینگویج کے لیے مقامی ہائی لیول لینگویج سپورٹ رکھتا ہے۔ تمام معاون سافٹ ویئر ٹولز — بشمول اڈا کمپائلر، سمیلیٹر، اور IDE کو ISRO نے اندرون ملک ہی تیار کیا ہے۔ وہیں ایپلیکیشن ڈومینز کو مزید وسعت دینے کے لیے ایک سی لینگویج کمپائلر فی الحال جاری ہے۔
KALPANA3201
دریں اثنا KALPANA3201 ایک 32 بٹ SPARC V8 RISC مائکرو پروسیسر ہے اور یہ IEEE 1754 انسٹرکشن سیٹ آرکیٹیکچر پر مبنی ہے۔ اسے اندرون ملک تیار کردہ سمیلیٹر اور IDE کے ساتھ اوپن سورس سافٹ ویئر ٹول سیٹس کے ساتھ کام کرنے کے لیے ڈیزائن کیا گیا ہے اور اس کا فلائٹ سافٹ ویئر کے ساتھ تجربہ کیا گیا ہے جو اسے مستقبل کے ایویونکس ایپلی کیشنز کے لیے ایک متنوع متبادل بناتا ہے۔
اسرو کو ان پروسیسرز کے پہلے پروڈکشن لاٹس کی باضابطہ ترسیل 5 مارچ کو نئی دہلی میں ہوئی۔ ایس سی ایل کی طرف سے منعقدہ ایک تقریب میں MeitY کے سکریٹری ایس کرشنن نے یہ چپس ISRO کے چیئرمین وی نارائنن کے حوالے کیں۔ ان دونوں مائیکرو پروسیسرز کے علاوہ چار دیگر آلات جو SCL کے ساتھ مشترکہ طور پر تیار کیے گئے تھے، اسرو کے حوالے کیے گئے ہیں۔ ان میں ری کنفیگر ایبل ڈیٹا ایکوزیشن سسٹم (RDAS) کے دو ورژن شامل ہیں۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
