مختار انصاری کی باندہ میڈیکل کالج میں موت ہوگئی ہے۔ (فائل فوٹو)
مئوکے سابق رکن اسمبلی مختارانصاری کی لاش کا باندہ میڈیکل کالج میں پوسٹ مارٹم کرایا گیا ہے۔ پوسٹ مارٹم کے بعد جسد خاکی کو غازی پورلے جایا جا رہا ہے۔ جسدخاکی دیررات غازی پورپہنچے گی۔ جہاں کل صبح یعنی 30 مارچ کو تدفین عمل میں آئے گی۔ وہیں مختارانصاری کی فیملی نے کہا ہے کہ وہ پوسٹ مارٹم سے مطمئن نہیں ہیں اوردہلی واقع ایمس میں پوسٹ مارٹم کرایا جائے۔ غازی پورکے ایس پی اوم ویرسنگھ کا بیان بھی سامنے آیا ہے۔ انہوں نے بتایا کہ کہا جا رہا ہے کہ جسد خاکی غازی پور پہنچنے میں رات ہوسکتی ہے۔ ایسے میں کل صبح ہی ان کو سپرد خاک کیا جائے گا۔
بتایا جارہا ہے کہ مختارانصاری کی لاش کو کالی باغ قبرستان میں سپرد خاک کیا جائے گا۔ قبرستان مختارانصاری کے غازی پوررہائش گاہ سے نصف کلو میٹر کی دوری پرواقع ہے۔ ذرائع کے مطابق، اسی قبرستان میں مختارانصاری کے والدین کی بھی قبرہے۔ جسد خاکی کو غازی پورلانے کے دوران ایک طرف ان کے اہل خانہ ساتھ ہیں تو دوسری طرف سیکورٹی کے بھی پختفہ انتظامات کئے گئے ہیں۔
#WATCH | Banda, Uttar Pradesh: Mukhtar Ansari’s being taken to Ghazipur after the post-mortem at Banda Medical College and Hospital.
He died yesterday after suffering a cardiac arrest. pic.twitter.com/Q3JxwcqnX7
— ANI (@ANI) March 29, 2024
افضال انصاری نے مختارانصاری کی موت کو ’شہادت‘ قراردیا
اس دوران مختار انصاری کے اہل خانہ کی جانب سے کئی سنگین الزامات لگائے گئے ہیں۔ جہاں ان کے اہل خانہ نے ان پرسلو پوائزن دینے کا الزام لگایا ہے وہیں ان کے بھائی اورغازی پور کے ایس پی امیدوارافضل انصاری نے بھی اس پرردعمل ظاہرکیا ہے۔ افضل انصاری نے اپنے سوشل میڈیا اکاؤنٹ پربھائی مختار انصاری کی تصویرشیئرکی۔ اس دوران وہ جذباتی نظر آئے اور لکھا کہ ان کی موت ‘شہادت’ ہے۔ افضال انصاری نے کہا، ‘قائد،، ہمت، ہمدردی، محبت اور شہادت..’ ہیش ٹیگ مختارانصاری۔
بڑے بھائی نے سنگین الزام لگایا
مختارانصاری کے بڑے بھائی صبغت اللہ انصاری نے بھی مختارانصاری کی موت کو سازش قراردیتے ہوئے کہا کہ ہماری طرف سے بار بارکہا گیا کہ انہیں سلو پوائزن دیا جا رہا ہے، لیکن اسے نظر اندازکردیا گیا۔ ہمیں عدالتوں پراعتماد تھا، ہے اوررہے گا، لیکن اب لگتا ہے کہ ہمارے ملک میں انصاف پرسے لوگوں کا اعتماد ختم ہو جائے گا۔ اگرکسی عدالت نے اس واقعہ کا نوٹس نہ لیا۔ صرف مختارانصاری ہی نہیں، ایسے کئی واقعات ہیں۔ صبغت اللہ انصاری نے کہا کہ یہ کھلی سازش ہے۔ اسے سلو پوائزن دیا جا رہا تھا… اقتدارمیں موجود تمام لوگوں کی سازش ہے۔ سب جانتے ہیں کہ موت کیسے واقع ہوئی۔ یہ ہمارے لئے بہت بڑا نقصان ہے۔ انہوں نے پوسٹ مارٹم پربھی سوالات اٹھاتے ہوئے کہا کہ جہاں بھی پوسٹ مارٹم کیا جائے گا، وہی کاغذ پرلکھا جائے گا۔
چھوٹے بیٹے عمر انصاری نے کیا کہا؟
مختارانصاری کے چھوٹے بیٹے عمرانصاری نے اس معاملے کی تحقیقات کا مطالبہ کیا ہے۔ ان کا کہنا تھا کہ ‘میرے والد کوکھانے میں زہرملا دیا گیا اوران کا مکمل علاج نہیں کیا گیا۔ یہ موت نہیں یہ قتل ہے۔ ہم قانونی طریقوں سے تحقیقات کرنے کے لئے جو بھی کوششیں کریں گے وہ کریں گے۔ 3:30 پر جب انہوں نے مجھ سے بات کی تو انہوں نے بتایا کہ وہ بے ہوش ہوگئے ہیں۔ وہ اپنی مٹھی بند کرنے کے قابل نہیں تھے کیونکہ وہ بہت کمزور تھے۔ جب میں نے آنے کے لئے کہا تو انہوں نے کہا مت آنا۔ ان کواحساس تھا، اس لئے کہا کہ میرا جسم یہیں رہے گا، میری روح جائے گی۔
ایک منصوبہ بند قتل ہے: عمرانصاری
مختارانصاری کے بیٹے عمرانصاری نے کہا ہے کہ یہ پوسٹ ان کا عمل ہے۔ میں نے خط لکھا ہے کہ اسے ایمس دہلی کے ڈاکٹروں کے ذریعہ کیا جانا چاہئے۔ ہمیں یہاں کے میڈیکل سسٹم، حکومت اورانتظامیہ پربھروسہ نہیں ہے۔ آپ جانتے ہیں… میں ایسا کیوں کہہ رہا ہوں… پنچ نامہ ہوچکا ہے۔ ڈی ایم کو فیصلہ لینا ہے۔ دیکھتے ہیں کہ وہ کیا فیصلہ لیتے ہیں۔ عمرانصاری نے کہا کہ ہمیں امید ہے کہ ہم جو خدشہ ظاہر کر رہے ہیں، اس کی جانچ میں کوٹ مدد کرے گا۔ ہماری قانونی ٹیم سے مشورہ لیں۔ ہمیں یقین ہے کہ یہ قدرتی موت نہیں بلکہ ایک منصوبہ بند قتل ہے۔ ہمیں خدشہ نہیں ہے یہ فطری موت نہیں بلکہ منصوبہ بند قتل ہے۔
بھارت ایکسپریس۔
