’’بہار میں مہاراشٹر ماڈل کو نافذ کررہی ہے بی جے پی‘‘، نتیش کمار کے راجیہ سبھا جانے کے اعلان پر برہم ہوئے تیجسوی یادو، کہی یہ بڑی بات

تیجسوی یادو نے کہا کہ نتیش کمار نے کہا ہے کہ وہ راجیہ سبھا جانا چاہتے ہیں۔ ہم شروعات سے اس بات کو کہتے رہے ہیں کہ الیکشن کے بعد نتیش کمار کو بی جے پی کے لوگ وزیراعلیٰ عہدے پر نہیں رہنے دیں گے۔ آج وہ بات سچ ثابت ہوئی ہے۔ تیجسوی یادو نے کہا کہ عوامی خواہشات اقتدارکی اس تبدیلی کے خلاف ہیں۔ جب 2024 میں نتیش کمارہمیں چھوڑکرگئے تھے۔ اس وقت بھی ہم نے یہ کہا تھا کہ بی جے پی جے ڈی یو کو ختم کردے گی۔ بی جے پی نے پوری طریقے سے نتیش کمارکوہائی جیک کرلیا ہے۔

#WATCH पटना: बिहार विधानसभा में विपक्ष के नेता तेजस्वी यादव ने कहा, “चुनाव में जिस तरह से उनकी जीत हुई है, धनतंत्र की, मशीनतंत्र की जीत हुई है…नीतीश कुमार ने कहा है कि वो (राज्यसभा)सदन जाना चाहते हैं…हम शरुआत से इस बात को कहते रहे हैं कि चुनाव के बाद नीतीश कुमार को भाजपा के… pic.twitter.com/33v3ZhH3N7

— ANI_HindiNews (@AHindinews) March 5, 2026

جے ڈی یواب نہیں بچے گی، نتیش کمارکے ساتھ ہمدردی: تیجسوی یادو

آرجے ڈی لیڈرتیجسوی یادونے کہا کہ الیکشن میں جس طرح سے ان کی جیت ہوئی ہے۔ وہ پیسے کی طاقت (دھن تنتر) کی مشینری (مشین تنتر) کی جیت ہوئی ہے۔ انہوں نے الزام لگایا کہ جے ڈی یونہیں بچ پائے گی۔ انہوں نے کہا کہ میں نے الیکشن کے دوران بھی یہ الزام لگایا تھا کہ جے ڈی یونہیں بچ پائے گی۔ انہوں نے کہا کہ ان کی پوری ہمدردی نتیش کمار کے ساتھ ہے۔ اگرنتیش ساتھ ہوتے توانہیں ان دنوں کا سامنا نہیں کرنا پڑتا۔