طویل عرصے سے تشدد کی شکار ریاست منی پور میں سی آر پی ایف نے بڑی کارروائی کی ہے۔ خبر رساں ایجنسی اے این آئی نے ذرائع کے حوالے سےخبر ہے کہ منی پور کے جیریبام علاقے میں سی آر پی ایف نے ایک انکاؤنٹر میں 11 مشتبہ دہشت گردوں کو ہلاک کر دیا ہے۔ اس تصادم میں دو جوان بھی زخمی ہوئے ہیں۔خبر رساں ایجنسی پی ٹی آئی کی طرف سے دی گئی معلومات کے مطابق حکام نے بتایا کہ بھاری ہتھیاروں سے لیس عسکریت پسندوں نے جکورادور کارونگ میں کئی دکانوں کو آگ لگا دی۔ اس کے علاوہ انہوں نے کچھ گھروں اور قریبی سی آر پی ایف کیمپ پر بھی حملہ کیا۔ اس کے بعد فائرنگ شروع ہو گئی اور نتیجے میں 11 مشتبہ دہشت گردوں کو ہلاک کردیا گیا۔
11 suspected militants killed in an encounter with CRPF in Jiribam area of Manipur. A CRPF personnel is also critically injured in the encounter: Sources pic.twitter.com/mDoJu2VA3y
— ANI (@ANI) November 11, 2024
حکام نے کہا کہ منی پور کے جیر یبام ضلع کے بوروبیکارا سب ڈویژن کے جکورادور کارونگ میں شدید فائرنگ کے دوران دو سی آر پی ایف جوان زخمی بھی ہوئے۔حکام نے بتایا کہ پانچ شہری اب بھی لاپتہ ہیں۔ انہوں نے کہا کہ یہ واضح نہیں ہے کہ آیا انہیں عسکریت پسندوں نے اغوا کیا تھا یا وہ حملہ شروع ہونے کے بعد سے چھپے ہوئے ہیں۔ انہوں نے کہا کہ مارے گئے عسکریت پسندوں کی لاشیں بوروبکرا پولیس اسٹیشن لائی گئی ہیں۔ سی آر پی ایف کے دو زخمی جوانوں میں سے ایک کی حالت نازک بتائی جاتی ہے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
