سنبھل میں سماجوادی پارٹی کے امیدوار ضیاء الرحمٰن کی پولیس سے نوک جھونک ہوئی ہے۔
لوک سبھا الیکشن کے تیسرے مرحلے میں یوپی کی سنبھل سیٹ پربھی ووٹنگ ہو رہی ہے۔ اس سیٹ پرسماجوادی پارٹی کے امیدوار ضیاء الرحمٰن برق کی پولیس سے تصادم کا معاملہ سامنے آیا ہے۔ شفیق الرحمٰن برق کا الزام ہے کہ پولیس نے بی ایل او کے بستے چھینے، تاکہ ووٹ فیصد نہ بڑھے۔ مسلم رائے دہندگان سے بوتھوں پر پولیس بدسلوکی کر رہی ہے۔ سابق صدراور سینئر لیڈر فیروز کان کو حراست میں لینے کی کوشش کی گئی ہے۔
اسمولی اسمبلی حلقہ کے اووری گاؤں میں پولیس نے لاٹھی چارج کرکے پولنگ اسٹیشن سے لوگوں کو بھگایا۔ اس کا ویڈیو سوشل میڈیا پر وائرل ہو رہا ہے۔ سنبھل لوک سبھا علاقے میں کئی بوتھوں پر پولیس پر لاٹھی چارج کرنے، رائے دہندگان سے مار پیٹ کرنے اور الیکشن کو متاثر کرنے کے الزام لگے ہیں۔ حادثہ کی اطلاع ملنے پر پولیس کے افسران موقع پر پہنچ گئے ہیں۔
Police used force at polling booths in #Sambhal, UP during the 3rd phase of #LokSabhaPolls
This morning, an elderly person was brutally beaten on the way to the polling station
Zia Ur Rehman Barq, SP candidate clashed with police over alleged mismanagement#LokSabhaElctions2024 pic.twitter.com/eXwIkR3mV5
— Hyderabad Netizens News (@HYDNetizensNews) May 7, 2024
لاٹھی چارج میں کئی افراد زخمی
ایک ویڈیو اسمولی کے اوواری میں بوتھ نمبر 181، 182، 183، 184 کا ہے۔ یہاں لاٹھی چارج میں کئی لوگ زخمی بتائے جا رہے ہیں۔ فی الحال یہ صورتحال قابو میں ہے۔ اس معاملے سے پہلے بھی سماجوادی پارٹی کے امیدوارضیاء الرحمٰن برق نے پولیس اورانتظامیہ پرالزام لگایا تھا۔ اس کے بعد ایم جی ایم کالج میں ہنگامہ بھی ہوا تھا۔
4TV NEWS * Scuffle between Sambhal SP candidate Zia-ur-rehman Barq and police. SP candidate Zia-ur-rehman has been raising allegations of polling mismanagement and police trying to influence the voter turnout. pic.twitter.com/ylhWnrgteQ
— Shakeel Yasar Ullah (@yasarullah) May 7, 2024
پولیس نے مارپیٹ کرنے کے الزام کو مسترد کیا
اووری گاؤں میں رائے دہندگان سے تصادم اوراس میں ایک بزرگ ووٹرکے بے ہوش ہونے کے الزام پرپولیس کا بیان بھی سامنے آیا ہے۔ پولیس کا کہنا ہے کہ زیادہ گرمی ہونے کی وجہ سے طبیعت خراب ہونے کے سبب بزرگ خاتون گرگئی تھی۔ انہیں علاج کے لئے اسپتال پہنچا دیا گیا ہے۔ پولیس کے ذریعہ مارپیٹ کرنے کے الزام بے بنیاد ہیں۔
