موہن بھاگوت نے کہا کہ بھائی چارہ ہماری بنیادی روایت ہے۔ انہوں نے کہا کہ ”بھائی چارہ ہماری روایت ہے، لڑائی جھگڑا ہمارے مزاج میں نہیں ہے۔ ہم قوم پرستی نہیں بلکہ قومیت کی بات کرتے ہیں، کیونکہ متکبر قوم پرستی نے دو عالمی جنگیں کرائی تھیں“۔ آر ایس ایس چیف موہن بھاگوت نے ہفتہ کے روز کہا کہ بھارت کی سناتن روایت بھائی چارہ ہے، لڑائی جھگڑا ہمارے مزاج میں کبھی نہیں رہا ہے۔ انہوں نے واضح کیا کہ ہم ’نیشنلسٹ‘ یا ’قوم پرستی‘ کا لفظ استعمال نہیں کرتے بلکہ ’قومیت‘ کہتے ہیں۔
’ہمارا قوم کا نظریہ مغرب سے بالکل الگ‘
موہن بھاگوت نے کہا کہ ”ملک کے بارے میں حد سے زیادہ گھمنڈ نے دو عالمی جنگیں کرائیں۔ اسی وجہ سے آج بھی بہت سے لوگ ’قوم پرستی‘ کے لفظ سے گھبراتے ہیں۔ مغربی ممالک ہمارے قوم کے تصور کو سمجھ نہیں سکے، اس لئے انہوں نے اسے نیشل ازم کا نام دے دیا۔ ہمارا قوم کا نظریہ مغرب سے بالکل الگ ہے“۔
”مغرب کا نیشلزم بمقابلہ بھارت کی قومیّت“
آر ایس ایس کے سربراہ موہن بھاگوت نے مزید وضاحت کرتے ہوئے کہا کہ مغرب میں قوم کا تصور محدود، جارحانہ اور توسیع پسندانہ رہا ہے، جبکہ بھارتی نقطۂ نظر میں قوم ایک زندہ تہذیبی اکائی ہے، جو پوری دنیا کو اپنا خاندان سمجھتی ہے۔ اسی لیے بھارت کبھی جارحانہ قوم پرستی کا شکار نہیں ہوا اور نہ ہی ہوگا۔
”راشٹریہ سویم سیوک سنگھ کا زور ہندو معاشرے کی یکجہتی پر“
پروگرام میں موہن بھاگوت نے ہندو معاشرے سے اپیل کی کہ چھوٹے موٹے اختلافات کو بھلا کر ایک جُٹ رہیں۔ انہوں نے کہا کہ ”ہمارا مزاج تنازعہ نہیں بلکہ مکالمہ ہے۔ بھائی چارے کی یہی روایت ہمیں عالمی رہنما بنائے گی“۔
”کسی کمیونٹی کے خلاف نہیں، ہندو راشٹر کا تصور“
موہن بھاگوت کا یہ بیان ایسے وقت میں سامنے آیا ہے جب ملک میں قوم پرستی اور ہندوتوا کی سیاسی تشریحات پر بحث شدید ہے۔ سنگھ کے سربراہ نے اپنے بیان سے واضح کر دیا کہ سنگھ کا ہندو راشٹر کا تصور کسی مخصوص کمیونٹی کے خلاف نہیں، بلکہ مجموعی بھارت کی ثقافتی ترقی اور بلندی کا پیغام ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
