بہار اسمبلی انتخابات 2025 کے لیے ووٹنگ میں اب ایک ماہ سے بھی کم وقت باقی ہے اور انتخابی حکمت عملی سے کارکن بنے جن سوراج کے بانی پرشانت کشور (پی کے) نے سیٹوں کی تقسیم کی کو لیکر ایک چونکا دینے والی پیشین گوئی کی ہے۔ ایک نیوز چینل کے ساتھ انٹرویو میں، پی کے نے ان سروے کو مسترد کر دیا جو این ڈی اے اور انڈیا بلاک کے بیچ قریبی مقابلے دکھا رہے ہیں۔ انہوں نے واضح طور پر کہا کہ وہ این ڈی اے کی کل سیٹوں کی پیشین گوئی نہیں کر سکتے۔ تاہم انہوں نے نتیش کمار کی پارٹی جے ڈی یو کے ساتھ ساتھ دیگر جماعتوں کے حوالے سے بھی اہم اعلان کر دیا ہے۔
بتا دیں کہ سیاسی مشیر رہے پرشانت کشور خود اس بار انتخابی میدان میں اترے ہیں۔ انہوں نے اپنی پارٹی جن سوراج کے نشان پر امیدوار کھڑے کیے ہیں۔ تاہم انہوں نے پوری طرح سے اپنی جیت کا بھی دعویٰ نہیں کیا ہے۔
کسے ملے گی کتنی سیٹ؟
پرشانت کشور نے کہا کہ انہوں نے چیف منسٹر نتیش کمار کی پارٹی جنتا دل (یونائیٹڈ) کی سیٹوں کی تعداد کے بارے میں مضبوط دعویٰ کیا ہے۔ پی کے کے مطابق، جے ڈی یو نے پچھلے الیکشن میں 42 سیٹیں جیتی تھیں، لیکن اس بار ان کی سیٹوں کی تعداد اور بھی کم ہوگی۔ پی کے نے دعویٰ کیا کہ نتیش کی پارٹی 25 سے زیادہ سیٹیں نہیں جیت پائے گی۔
پی کے نے نہ صرف نتیش کمار کی جے ڈی یو کے لیے 25 سے کم سیٹوں کی جیت کی پیش گوئی کی ہے، بلکہ یہ بھی پیشین گوئی کی ہے کہ بی جے پی اپنی پچھلی 74-75 سیٹوں سے کم جیتے گی اور تیجسوی یادو کی آر جے ڈی 25 سے 35 سیٹوں کے درمیان رہ جائے گی۔ یہ حساب سیدھا نتیش کمار کی گرتی صحت، پانچ سال کی اینٹی انکمبینسی اور اس حقیقت پر ہے کہ جن سوراج 110 سیٹوں پر مضبوط امیدوار کھڑا کرے گی۔
3-4 فیصد ووٹرز کا اہم کردار
پی کے کے دعوے کا خلاصہ یہ ہے کہ 3-4 فیصد ووٹروں کی حمایت جو بہار کو بدلنا چاہتے ہیں فیصلہ کن ثابت ہوگی۔ یہ دیکھنا دلچسپ ہوگا کہ اس الیکشن میں کون سا اتحاد واضح اکثریت حاصل کرتا ہے یا پی کے کا ’’جن سوراج‘‘ درحقیقت ان تینوں بڑی پارٹیوں کے حساب کتاب میں خلل ڈالنے میں کامیاب ہو پاتاہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
