اترپردیش کے سینیئر سیاستدانوں میں سے ایک مختار انصاری کا جمعرات کو رانی درگاوتی میڈیکل کالج میں انتقال ہوگیا۔ ان کی موت پر سماج وادی پارٹی اور بھیم آرمی چیف چندر شیکھر آزاد نے ردعمل ظاہر کیا ہے۔ دونوں فریقوں نے سابق ایم ایل اے کی موت کی تحقیقات کا مطالبہ کیا ہے۔ اب اے آئی ایم آئی ایم کے سربراہ اسد الدین اویسی کا ردعمل بھی سامنے آیا ہے۔
اویسی نے سوشل میڈیا پر پوسٹ کرتے ہوئے لکھا، ‘انا للہ و انا الیہ راجعون۔ اللہ تعالیٰ سے دعا ہے کہ وہ مختار انصاری کی مغفرت فرمائے اور ان کے اہل خانہ اور ان کے چاہنے والوں کو صبر جمیل عطا فرمائے۔ غازی پور کے لوگوں نے اپنا پسندیدہ بیٹا اور بھائی کھو دیا۔ مختار صاحب نے انتظامیہ پر سنگین الزامات لگائے تھے کہ انہیں زہر دیا گیا ہے۔
इन्ना लिल्लाही वा इन्ना इलैही राजिऊन। अल्लाह से दुआ है के वो मुख़्तार अंसारी को मग़फ़िरत फ़रमाए, उनके ख़ानदान और उनके चाहने वालों को सब्र-ए-जमील अदा करें। @AfzalAnsariMP @yusufpore ग़ाज़ीपुर की अवाम ने अपने चहीते बेटे और भाई को को खो दिया। मुख़्तार साहब ने प्रशासन पर गंभीर आरोप… pic.twitter.com/zMbA0txKDK
— Asaduddin Owaisi (@asadowaisi) March 28, 2024
انہوں نے کہا، ‘اس کے باوجود حکومت نے ان کے علاج پر توجہ نہیں دی۔ قابل مذمت اور قابل افسوس ہے۔ سماج وادی پارٹی (ایس پی) نے انصاری کے انتقال کو افسوسناک قرار دیا ہے۔ بہار کے سابق نائب وزیر اعلی تیجسوی یادو نے بھی انصاری کے انتقال پر غم کا اظہار کیا ہے۔
بہار کے سابق نائب وزیر اعلی تیجسوی یادو نے بھی انصاری کے انتقال پر غم کا اظہار کیا اور ایکس پر پوسٹ میں لکھا کہ”یوپی کے سابق ایم ایل اے مختار انصاری کے انتقال کی افسوسناک خبر ملی۔ اللہ تعالیٰ سے دعا ہے کہ وہ مرحوم کی روح کو جوار رحمت اور سوگوار خاندان کو یہ صدمہ برداشت کرنے کی توفیق عطا فرمائے۔
यूपी से पूर्व विधायक श्री मुख्तार अंसारी के इंतकाल का दुःखद समाचार मिला। परवरदिगार से प्रार्थना है कि दिवंगत आत्मा को शांति तथा शोकाकुल परिजनों को दुःख सहने की शक्ति प्रदान करें।
कुछ दिन पूर्व उन्होंने शिकायत की थी कि उन्हें जेल में जहर दिया गया है फिर भी गंभीरता से नहीं लिया…
— Tejashwi Yadav (@yadavtejashwi) March 28, 2024
سابق ڈپٹی سی ایم نے کہا کہ چند روز قبل شکایت کی تھی کہ انہیں جیل میں زہر دیا گیا ہے، اس کے باوجود اسے سنجیدگی سے نہیں لیا گیا۔ انہوں نے لکھا، “سیدھے طور پر یہ جائز اور انسانی نہیں لگتا ہے۔ “آئینی اداروں کو ایسے عجیب و غریب واقعات کا از خود نوٹس لینا چاہیے۔ آپ کو بتادیں کہ مختار انصاری کی موت کے بعد لواحقین باندہ چلے گئے ہیں۔ ان کا چھوٹا بیٹا عمر انصاری پہلے باندہ پہنچے گا۔ اس کے علاوہ افضل انصاری بھی باندہ پہنچ چکے ہیں۔
بھارت ایکسپریس۔
