دہلی کی وزیر اعلیٰ آتشی نے رمیش بدھوڑی سے متعلق بڑا دعویٰ کیا ہے۔
نئی دلی: دہلی اسمبلی الیکشن سے پہلے یہاں کی سیاست میں بڑے اتار چڑھاؤ دیکھنے کو مل رہے ہیں۔ اسی درمیان دہلی کی وزیراعلیٰ آتشی نے اپوزیشن پارٹی بی جے پی سے متعلق ایک بڑا دعویٰ کیا ہے۔ بحث چل رہی ہے کہ بی جے پی کا وزیراعلیٰ چہرہ کون ہوسکتا ہے؟ اس پر اب وزیراعلیٰ آتشی نے سنسنی خیزدعویٰ کیا ہے۔
دراصل، وزیراعلیٰ آتشی نے پریس کانفرنس میں بیان دیا ہے کہ بی جے پی کالکا جی امیدوار رمیش بدھوڑی کو اپنا وزیراعلیٰ کا امیدوار بناسکتی ہے۔ اس سے متعلق انہوں نے سوشل میڈیا پوسٹ بھی کیا، جس میں لکھا، “معتبرذرائع سے پتہ چلا ہے کہ آج صبح گالی گلوچ پارٹی کی سی ای سی میٹنگ میں طے ہوا ہے کہ سب سے زیادہ گالی گلوچ کرنے والے لیڈررمیش بدھوڑی کو وزیراعلیٰ کا چہرہ بنایا جائے گا۔ آج شام کی پارلیمانی کمیٹی کی میٹنگ اس فیصلے پر مہر لگا دے گی۔”
اروند کیجریوال کے سامنے رمیش بدھوڑی؟
وہیں، وزیراعلیٰ آتشی نے مزید لکھا، “اب دہلی والوں کے سامنے دو متبادل ہیں۔ ایک طرف ہیں پڑھے لکھے، کام کرنے والے لیڈر اروند کیجریوال اور دوسری طرف گالی گلوچ کرنے والے رمیش بدھوڑی” وزیراعلیٰ آتشی نے کہا، “آپ دہلی کے کسی بھی علاقے میں جائیں، صرف یہی موضوع ہے کہ عام آدمی پارٹی نے اپنا وزیراعلیٰ عہدے کا امیدواراعلان کردیا۔ آپ کے ووٹ دینے سے اروند کیجریوال وزیر اعلیٰ بنیں گے، لیکن اگرگالی گلوچ پارٹی کو ووٹ دیا توان کا وزیراعلیٰ کون ہوگا۔”
विश्वसनीय सूत्रों से पता चला है कि आज सुबह ‘गाली गलौच पार्टी’ की CEC बैठक में तय हुआ है कि सबसे ज़्यादा गाली गलौच करने वाले नेता – रमेश बिधूड़ी जी – को मुख्यमंत्री चेहरा बनाया जाएगा। आज शाम की संसदीय समिति की बैठक इस फ़ैसले पर मोहर लगा देगी।
अब दिल्ली वालो के सामने दो विकल्प… https://t.co/q65O2KgYBb
— Atishi (@AtishiAAP) January 10, 2025
رمیش بدھوڑی بی جے پی کو دے رہی ہے گالی گلوچ کا انعام
وزیراعلیٰ آتشی نے رمیش بدھوڑی پر تنقید کرتے ہوئے کہا کہ یہ بات سب جانتے ہیں کہ وہ اپنی پارٹی کے لیڈران سے بھی غلط اندازمیں بات کرتے ہیں۔ لوگوں نے دیکھا ہے کہ رمیش بدھوڑی نے لیڈران کے ساتھ گالی گلوچ کرنے کے ساتھ ساتھ مارپیٹ کرتے ہوئے انہیں سڑکوں پر دوڑایا تھا۔ سب جانتے ہیں کہ رمیش بدھوڑی نے پرینکا گاندھی کے خلاف نازیبا تبصرہ کیا تھا۔ اس کے کچھ دن بعد انہوں نے میرے اور میری فیملی کے ساتھ گالی گلوچ کی۔ رمیش بدھوڑی کو اس کا انعام مل رہا ہے کہ ان کی پارٹی ان کو وزیراعلیٰ چہرے کے طور پراعلان کرنے جا رہی ہے۔
بھارت ایکسپریس اردو۔
