میگھالیہ کے پرنسپل سکریٹری سید محمد اے. رضی کا انتقال ہو گیا ہے۔ وہ ازبکستان کے ایک ہوٹل میں مردہ پائے گئے۔ اندیشہ ظاہر کیا جا رہا ہے کہ ان کی موت دورۂ قلب سے ہوئی ہے۔ اس معاملے میں تفصیلی جانکاری ابھی سامنے نہیں آئی ہے۔
افسران نے منگل (8 اپریل) کے روز محمد رضی سے متعلق جانکاری دیتے ہوئے بتایا کہ وہ آئی آر ٹی ایس افسر کے طور پر 2021 سے میگھالیہ میں ڈیپوٹیشن پر کام کر رہے تھے۔ وہ 4 اپریل کو ذاتی سفر پر ازبکستان گئے تھے اور وہاں بخارا شہر کے ہوٹل میں رکے تھے۔ ایک سینئر افسر کا کہنا ہے کہ پیر کی صبح رضی نے فون کا جواب نہیں دیا۔ پھر بعد میں ہوٹل کے ملازمین نے ان کے کمرے کا دروازہ توڑا جہاں وہ مردہ پائے گئے۔
میگھالیہ کے وزیر اعلیٰ کونارڈ سنگما نے محمد رضی کے انتقال پر افسوس کا اظہار کیا ہے۔ انھوں نے سوشل میڈیا پلیٹ فارم ’ایکس‘ پر لکھا کہ ’’حکومت کے پرنسپل سکریٹری، آئی آر ٹی ایس، سید محمد رضی کے اچانک انتقال کے بارے میں سن کر بہت تکلیف ہوئی۔‘‘ انھوں نے بتایا کہ ان کی لاش وطن واپس لانے کے لیے سبھی رسمیں پوری کر لی گئی ہیں۔ رضی کی بیوی ازبکستان کے شہر بخارا کے لیے روانہ ہو چکی ہیں۔
Deeply pained to hear about the untimely demise of Syed Md. A. Razi, IRTS, Principal Secretary, GoM
Razi’s incredible efficiency and unwavering dedication were evident in every department he handled, and he always took on each task with a level of ownership that inspired those… pic.twitter.com/YJolnGcqEC
— Conrad K Sangma (@SangmaConrad) April 7, 2025
محمد رضی کی تعریف کرتے ہوئے وزیر اعلیٰ سنگما نے کہا کہ ’’رضی کی حیرت انگیز صلاحیت اور محنت ان کے ذریعہ سنبھالے گئے ہر محکمہ میں صاف نظر آتا تھا۔ وہ ہمیشہ اپنے کام کو ذمہ داری سے کرتے تھے، جس سے آس پاس کے لوگ ترغیب حاصل کرتے تھے۔‘‘ وہ مزید کہتے ہیں کہ ’’اپنے کام سے الگ رضی ایک گرمجوشی سے بھرے اور ہنس مکھ شخص تھے۔ وہ ہر کسی سے ملتے تھے۔ انھیں ان کے ساتھیوں کے ذریعہ بہت پیار اور عزت دی جاتی تھی۔ ان کی غیر موجودگی ہم سبھی کے لیے ایک بڑا صفر ہے۔‘‘
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
