جموں و کشمیر انتخابات کے لیے کانگریس نے جاری کی پہلی فہرست، 3 سابق صدور بھی شامل
Congress PC Updates: کانگریس صدرملیکا ارجن کھڑگے نے کہا ہے کہ پارٹی کے بینک اکاؤنٹس کو ’فریز‘ کردیا گیا ہے۔ برسراقتدارپارٹی نے ایسا اس لئے کیا ہے تاکہ کانگریس الیکشن نہیں لڑپائے۔ جمعرات (21 مارچ) کو کانگریس ہیڈ کوارٹرمیں پریس کانفرنس کرتے ہوئے ملیکا ارجن کھڑگے نے کہا کہ ہمیں جمہوریت کو بچانا ہے اور سبھی کو مساوی موقع ملنا چاہئے۔ انہوں نے الزام لگایا کہ حکومت کا ملک کے اداروں، میڈیا اورآئینی اداکاروں پرکنٹرول ہوگیا ہے۔
#WATCH | Congress President Mallikarjun Kharge in Delhi, says, “Lok Sabha elections have been announced. It is essential for a democracy that elections are conducted in an impartial manner and a level playing ground is provided to all political parties. It should not be that ED,… pic.twitter.com/f11vgbqy3H
— ANI (@ANI) March 21, 2024
ملیکا ارجن کھڑگے نے کہا کہ لوک سبھا الیکشن کی تاریخوں کا اعلان ہوچکا ہے۔ ہندوستان اپنے جمہوری اقدار کے لئے جانا جاتا ہے۔ ہرشہری ووٹ ڈالنے کے لئے پُرجوش رہتا ہے۔ اب تک صاف وشفاف الیکشن ہوتے آئے ہیں۔ آج ہرسیاسی پارٹی کومساوی موقع ملنا چاہئے۔ انہوں نے الزام لگایا کہ برسراقتدار بی جے پی حکومت کا وسائل، میڈیا، آئینی اورعدالتی اداروں پرقبضہ ہوگیا ہے۔ سبھی پارٹیوں کوایک طرح سے موقع نہیں مل رہا ہے۔
#WATCH | Congress president Mallikarjun Kharge says, “Supreme Court called Electoral Bonds illegal and unconstitutional. Under that scheme, the present ruling party filled its accounts with thousands and crores of Rupees. On the other hand, under a conspiracy, the bank account of… pic.twitter.com/qMzeHsvUHT
— ANI (@ANI) March 21, 2024
کانگریس کا اکاؤنٹ ’فریز‘ کرنا برسراقتدار پارٹی کا خطرناک کھیل: کانگریس
کانگریس صدرملیکا ارجن کھڑگے نے الزام لگایا کہ سپریم کورٹ کے فیصلے کے بعد الیکٹورل بانڈ کی جو تفصیلات ملی ہیں، وہ حیران کرنے والی اورشرمناک ہیں۔ اس کی وجہ سے ملک کی شبیہ کو نقصان پہنچا ہے۔ گزشتہ 70 سالوں میں منصفانہ الیکشن ہوئے ہیں۔ صحت مند جمہوریت کی شبیہ بنائی تھی، لیکن آج اس پرسوالیہ نشان لگ گیا ہے۔ انہوں نے کہا کہ موجودہ حکومت نے ہزاروں کروڑ روپئے سے اپنا اکاؤنٹ بھرا ہے۔ دوسری طرف ہمارا بینک اکاؤنٹس’فریز‘ کیا گیا تاکہ ہم پیسوں کی کمی میں الیکشن نہیں لڑپائیں۔ یہ برسراقتدار پارٹی کا خطرناک کھیل ہے۔ اس کے دوررس اثرات مرتب ہوں گے۔ جمہوریت بچانا ہے اورسب کو مساوی موقع ملنا چاہئے۔
بھارت ایکسپریس۔
