ایکناتھ شندے اور اجیت پوار (فائل فوٹو)
Maharashtra CM: شیوسینا سربراہ ایکناتھ شندے مہاراشٹر کا وزیراعلیٰ عہدہ ہاتھ سے جانے نہیں دینا چاہتے ہیں۔ ذرائع کے مطابق، وزیراعلیٰ ایکناتھ شندے گروپ نے اجیت پوار گروپ سے وزیراعلیٰ عہدہ کے لئے حمایت مانگنے کے لئے رابطہ کیا ہے۔ پیر (25 نومبر) کو شندے گروپ اور اجیت پوار گروپ کے درمیان اس سے متعلق تقریباً ایک گھنٹے تک بات چیت ہوئی۔
دراصل، ایکناتھ شندے نے منگل (26 نومبر) کو وزیراعلیٰ عہدے سے استعفیٰ دے دیا۔ جب وہ گورنر سی پی رادھا کرشنن کو اپنا استعفیٰ دینے پہنچے، تب دونوں وزرائے اعلیٰ ان کے ساتھ موجود تھے۔ گورنر سی پی رادھا کرشنن نے ایکناتھ شندے سے اگلی حکومت کی حلف برداری تقریب تک کارگزار وزیراعلیٰ بنے رہنے کو کہا ہے۔
شندے گروپ ہوا سرگرم
اس درمیان مہاراشٹر کا اگلے وزیراعلیٰ سے متعلق گہما گہمی جاری ہے، کیونکہ دوسری جانب ایکناتھ شندے نے استعفیٰ دے دیا ہے۔ دوسری جانب شندے گروپ کے اراکین پارلیمنٹ انہیں پھر سے وزیراعلیٰ بنانے کی فیلڈنگ میں مصروف ہیں۔ شیوشینا شندے گروپ کے اراکین پارلیمنٹ نے وزیراعظم نریندرمودی سے ملنے کا وقت مانگا ہے۔
رام داس اٹھاؤلے نے کیا یہ بڑا دعویٰ
دوسری طرف دیویندر فڑنویس کے حامی انہیں وزیراعلیٰ بنانے کا مطالبہ کررہے ہیں۔ اس درمیان ایک بڑا دعویٰ مرکزی وزیر رام داس اٹھاؤلے نے کہا، “مہاراشٹرمیں وزیراعلیٰ عہدے پرجاری تعطل جلد ہی ختم ہوجائے گا۔ بی جے پی اعلیٰ کمان نے فیصلہ کرلیا ہے کہ دیویندرفڑنویس کو وزیراعلیٰ بنایا جائے۔ حالانکہ ایکناتھ شندے اس فیصلے سے خوش نہیں ہیں اور ان کی ناراضگی دور کی جانی چاہئے، لیکن بی جے پی نے اتنی سیٹیں جیتی ہیں کہ وہ بھی نہیں مانے گی۔”
وزیراعلیٰ عہدے کے لئے ہوسکتے ہیں یہ دو فارمولے
وہیں، پیر 025 نومبر) کو دیویندر فڑنویس کے دہلی آنے کے بعد ہلچل تیزہوئی تھی۔ حالانکہ اب وہ واپس ممبئی لوٹ چکے ہیں۔ وزیراعلیٰ عہدے سے متعلق ممبئی میں میٹنگوں کا کئی دورچلا، لیکن بات تو دہلی سے فائنل ہونی ہے۔ کیونکہ سیاسی گلیاروں میں بحث ہے کہ مہاراشٹر میں وزیراعلیٰ عہدے کے لئے ایک وزیراعلیٰ ور دو نائب وزرائے اعلیٰ کا فارمولہ جاری رہ سکتا ہے۔ وہیں، ڈھائی ڈھائی سال کے لئے وزیراعلیٰ عہدے کی بھی تھیوری سامنے آرہی ہے، لیکن ابھی یہ صرف قیاس آرائی ہے، کیونکہ آخری مہردہلی سے لگنی ہے۔
-بھارت ایکسپریس
