پرینکا گاندھی نے مصطفیٰ آباد میں پارٹی امیدوار علی مہدی کے لئے ووٹ مانگا۔
نئی دہلی: کانگریس جنرل سکریٹری پرینکا گاندھی نے جمعہ کے روز دہلی اسمبلی الیکشن کی انتخابی تشہیر میں وزیراعظم نریندر مودی اور عام آدمی پارٹی کے کنوینر اروند کیجریوال پر سوال اٹھاتے ہوئے کہا کہ وزیراعظم مودی اور کیجریوال میں کوئی فرق نہیں ہے۔ دہلی اسمبلی الیکشن میں مصطفیٰ آباد کے برج پوری میں پارٹی امیدوار علی مہدی کی حمایت میں منعقدہ انتخابی جلسے کو خطاب کرتے ہوئے پرینکا گاندھی نے کہا کہ وزیراعظم مودی ملک کے پہلے وزیراعظم پنڈت جواہرلال نہرو کوقصوروارٹھہراتے رہے، جبکہ اروند کیجریوال وزیراعظم مودی کو قصوروار ٹھہراتے رہے ہیں۔ دونوں میں سے کسی نے بھی کوئی بھی ذمہ داری نہیں لی ہے۔
پرینکا گاندھی نے کہا کہ میں یہاں اس لئے آئی ہوں کہ الیکشن کو ہلکے میں مت لیجئے۔ الیکشن جوہوتا ہے، بہت اہم ہوتا ہے۔ یہ الیکشن لیڈران کے لئے اہم نہیں ہوتا ہے، عام لوگوں کے لئے اس سے زیادہ اہم ہوتا ہے۔ انہوں نے کہا کہ اس ملک کی خاصیت یہ ہے کہ یہ جمہوریت ہے، جو آئین بنا وہ سب کے لئے یکساں ہے۔ آپ کے پاس میرے پاس، لیڈران کے پاس یہ ووٹ کی طاقت ہے۔ اس سے آپ اپنے آئین کو مضبوط کریں گے یا کمزور کریں گے، اس لئے آپ کو سوچنا پڑے گا کہ آپ کے ووٹ کی بہت اہمیت ہے۔ پرینکا گاندھی نے کہا کہ لوگ گاؤں سے آتے ہیں، اپنے بچوں کا مستقبل اچھا بناتے ہیں۔ آج صورتحال یہ ہے کہ فیملی میں دوتین لوگ کام کرتے ہیں۔ آج صورتحال یہ ہے کہ جو عام آدمی پارٹی کے لوگ آتے ہیں اورجوباتیں اٹھاتے ہیں، جس مہنگائی سے آپ جدوجہد کررہے ہیں، اس کی بات نہیں ہے۔
कांग्रेस महासचिव श्रीमती @priyankagandhi जी ने @alimehdi_inc जी के विधानसभा क्षेत्र मुस्तफाबाद में विशाल जनसभा को संबोधित किया।
जनता का प्यार और विश्वास बता रहा है- दिल्ली में आ रही है कांग्रेस ✋
📍 दिल्ली pic.twitter.com/x1vQflGz00
— Congress (@INCIndia) January 31, 2025
کوئی موضوع کی بات نہیں کر رہا ہے، دونوں ایک جیسے ہیں: پرینکا گاندھی
انہوں نے کہا کہ سب سے بڑی پریشانی یہ ہے کہ آپ کتنی بھی محنت کرلیں، پیسہ مناسب نہیں ہے۔ گزارا کرنا مشکل ہوگیا ہے۔ آج صورتحال یہ ہے کہ عام آدمی پارٹی کے لیڈر الیکشن کے وقت آپ کے پاس آتے ہیں، وہ مہنگائی آپ کے جدوجہد کی بات نہیں کرتے۔ عام آدمی پارٹی کے لیڈر راج محل کی بات کررہے ہیں اوربی جے پی کے لیڈرشیش محل کی بات کررہے ہیں۔ وہ آپ کے موضوع کی بات نہیں کررہے ہیں۔ یہی بات کررہے ہیں کہ کس نے کتنا پیسہ کھایا، کس نے کتنا بڑا محل بنایا توسوچئے کہ آپ کی بات کون کررہا ہے؟ انہوں نے کہا کہ آپ کی جدوجہد کوکون سمجھ رہا ہے۔ آپس میں پھوٹ ڈالنے کا کام کررہے ہیں۔ صبح سے شام تک کوئی کہے گا۔ میری توہین کردی، اس کی توہین کر دی۔ کوئی ہندو-مسلم اور کوئی ذات پات کی بات کررہا ہے۔
नरेंद्र मोदी जी…
चुनाव आते ही आप 500 रुपए में सिलेंडर दे रहे हैं।
इतने साल जनता 900 रुपए, 1100 रुपए, 1200 रुपए में सिलेंडर ले रही है।
अगर आज आप 500 रुपए में सिलेंडर दे सकते हैं, तो उस समय क्यों नहीं दे रहे थे?
क्योंकि आप वोटों का सौदा कर रहे हैं। जनता से झूठ बोला जा रहा… pic.twitter.com/EcoKDbRZhj
— Congress (@INCIndia) January 31, 2025
وزیراعظم مودی اور کیجریوال بزدل ہیں: پرینکا گاندھی
پرینکا گاندھی نے کہا کہ سب جگہ جی ایس ٹی ہے۔ ٹیکس بڑھتے جا رہے ہیں اورآپ کو دکھایا کیا جا رہا ہے، شیش محل، راج محل، اڈانی، امبانی۔ زمانہ بدل رہا ہے اور آپ کی مشکلات بڑھ رہی ہیں۔ لوگوں کی بات میں سنتی ہوں، وہ امید ہی نہیں رکھتے کہ لیڈرایماندار بھی ہوں گے۔ چھوٹے سے چھوٹے کام کے لئے آپ کو پیسہ دینا پڑتا ہے۔ انہوں نے کہا کہ کیجریوال کیسے آئے، بدعنوانی کے خلاف باتیں کرکے اور آج ان میں اور مودی جی میں کیا فرق ہے؟ وزیراعظم مودی، نہرو جی کو بولتے ہیں اور کیجریوال وزیراعظم مودی کو بولتے ہیں۔ کام کون کررہا ہے؟ ذمہ داری کون لے گا؟ جو نڈرہوکر سچ بولتا ہے، وہ ہوتا ہے لیڈر۔ راہل گاندھی کو دیکھا ہے؟ وہ لیڈر ہے۔ یہ توبزدل ہیں، دونوں ایک جیسے ہیں۔ پرینکا گاندھی نے کہا کہ ہماری معیشت آج چوپٹ ہو رہی ہے۔ سب اڈانی جی کوبیچ رہے ہیں اور آپ کے بچے ان کی شادیاں دیکھ رہے ہیں کہ ان کے کتنے بڑے گہنے اور زیور ہیں۔ 5 فروری کو کانگریس کے امیدوارکوبھاری ووٹوں سے جتائیں، یہاں ایشوربھی ہیں اورعلی بھی ہیں۔
بھارت ایکسپریس اردو۔
