بی جے پی کے قومی صدر جے پی نڈا نے سونیا گاندھی سے صدر جمہوریہ دروپدی مرمو سے معافی مانگنے کا مطالبہ کیا ہے۔
پارلیمنٹ کے بجٹ سیشن کے پہلے دن صدر جمہوریہ دروپدی مرموکے افتتاحی خطاب پرکانگریس کی سینئرلیڈرسونیا گاندھی کے تبصرہ کے بعد سیاسی گھمسان مچ گیا ہے۔ بی جے پی نے جہاں اس تبصرہ کی تنقید کی۔ وہیں، راشٹرپتی بھون نے اس تبصرہ کوبدقسمتی والا قرار دیا۔ وہیں اب بی جے پی کے قومی صدرجگت پرکاش نڈا نے بھی سوال اٹھایا ہے۔ جے پی نڈا نے سونیا گاندھی کے بیان کی سخت مذمت کی ہے۔
بی جے پی کے قومی صدرجے پی نڈا نے کہا کہ جان بوجھ کرایسے الفاظ کا استعمال کانگریس پارٹی کی اشرافیہ، غریب مخالف اورقبائلی مخالف سوچ کی عکاسی کرتا ہے۔ میں مطالبہ کرتا ہوں کہ کانگریس پارٹی صدرجمہوریہ اورہندوستان کی قبائلی برادریوں سے غیرمشروط معافی مانگے۔
I and every @BJP4India Karyakarta STRONGLY CONDEMNS the usage of the phrase “poor thing” by Smt. Sonia Gandhi for Honourable President of India, Droupadi Murmu Ji. The deliberate usage of such words shows the elitist, anti-poor and anti-tribal nature of the Congress Party. I…
— Jagat Prakash Nadda (@JPNadda) January 31, 2025
واضح رہے کہ آج صدر جمہوریہ دروپدی مرمو نے 18ویں لوک سبھا کے بجٹ سیشن کے پہلے دن پارلیمنٹ کے دونوں ایوانوں لوک سبھا اورراجیہ سبھا کے جوائنٹ سیشن (مشترکہ اجلاس) میں 59 منٹ کی تقریرکی تھی۔ اس خطاب پرکانگریس لیڈران نے ردعمل ظاہرکیا۔ جن میں سونیا گاندھی نے دروپدی مرموکے لئے بے چاری لفظ کا استعمال کیا۔ وہیں، ان کے بیٹے راہل گاندھی نے صدرجمہوریہ کی تقریرکو بورنگ بتایا۔ سونیا گاندھی اور راہل گاندھی کے تبصرہ کو اب بی جے پی لیڈر توہین آمیزقرار دے رہے ہیں۔ وزیراعظم نریندر مودی نے دونوں کے تبصروں کو غریبوں اور آدیواسیوں کی توہین قرار دیا ہے۔ اس تنازعہ کے درمیان راشٹرپتی بھون کے پریس سکریٹری نے بھی کانگریس لیڈران کے بیان پر اعتراض کرتے ہوئے اسے صدرجمہوریہ کے وقار کو ٹھیس پہنچانے والا بتایا ہے۔
بھارت ایکسپریس اردو۔
