جموں وکشمیر کے سابق وزیراعلیٰ محبوبہ مفتی۔ (فائل فوٹو)
Lok Sabha Election 2024: جموں وکشمیر میں انڈین ڈیموکریٹک انکلوسیو الائنس (انڈیا) سے پیپلز ڈیموکریٹک پارٹی (پی ڈی پی) کے الگ ہونے کی خبروں کے درمیان پارٹی نے وضاحت دی ہے۔ خبر تھی کہ پی ڈی پی نے بھی انڈیا الائنس کو جھٹکا دیتے ہوئے اپنی راہیں الگ کرلی ہیں۔
حالانکہ پی ڈی پی نے سوشل میڈیا پلیٹ فارم ایکس پر پوسٹ کے ذریعہ الائنس سے الگ ہونے کی خبروں کو بے بنیاد قرار دیا ہے۔ جموں وکشمیر پی ڈی پی نے کہا ہے کہ ہم متحد ہوکرالیکشن کے تئیں اپنے عزم اورارادے پرقائم ہیں۔ اس غلط اور من گھڑت خبروں اوراطلاعات سے گمراہ نہ ہوں۔
Disregard the fabricated news about PDP breaking ties with the INDIA alliance. We stand firm in our commitment to unity and our alliance. Don’t be misled by this malicious misinformation! #Unity #INDIAAlliance
— J&K PDP (@jkpdp) February 19, 2024
پی ڈی پی کے الگ ہونے کی آئی تھی خبر
اس سے پہلے خبرآئی تھی کہ پی ڈی پی سربراہ محبوبہ مفتی نے کہا ہے کہ ان کی پارٹی آئندہ لوک سبھا الیکشن کے لئے پوری طرح سے تیارہے۔ جلد ہی پارٹی اپنے امیدواروں کے نام طے کرلے گی۔ بتایا جا رہا ہے کہ پارٹی نے ہفتہ کے روزسری نگرمیں ہوئی ایک میٹنگ کے بعد یہ فیصلہ لیا تھا۔ ہندوستان ٹائمس کے مطابق، پارٹی کے ترجمان نے کہا کہ میٹنگ میں پارٹی کے سینئرنائب صدرعبدالرحمٰن ویری، جنرل سکریٹری ڈاکٹرمحبوب بیگ، غلام نبی لون ہنجورا، ایڈیشنل جنرل سکریٹری عائشہ نقاش، سابق وزیرنعیم اختر، ظہوراحمد میر، انتخابی حلقوں کے انچارج اورعلاقائی انچارج موجود رہے۔
یہ بھی پڑھیں: Lok Sabha Election 2024: انڈیا الائنس کو ایک اور جھٹکا، جموں وکشمیر میں محبوبہ مفتی کی پی ڈی پی نے اکیلے لڑنے کا کیا اعلان
نیشنل کانفرنس نے کیا تھا اکیلے الیکشن لڑنے کا اعلان
اس سے پہلے نیشنل کانفرنس نے بھی جموں وکشمیرمیں اکیلے الیکشن لڑنے کا اعلان کیا تھا۔ انڈیا الائنس کو جھٹکا دیتے ہوئے نیشنل کانفرنس کے سربراہ فاروق عبداللہ نے کہا تھا کہ ان کی پارٹی آئندہ لوک سبھا الیکشن جموں وکشمیر میں اکیلے لڑے گی۔ حالانکہ انڈیا الائنس سے نیشنل کانفرنس کے الگ ہونے پررکن پارلیمنٹ جے رام رمیش نے کہا تھا کہ ہرپارٹی کی اپنی حد ہوتی ہے۔ نیشنل کانفرنس اورپی ڈی پی انڈیا الائنس کا حصہ رہے ہیں اورآگے بھی بنے رہیں گے۔ نیشنل کانفرنس کے علاوہ اروند کیجریوال کی عام آدمی پارٹی اورمغربی بنگال ترنمول کانگریس پہلے اپنے دم پرالیکشن لڑنے کا اعلان کرچکی ہیں۔
بھارت ایکسپریس۔
