چندرا بابو نائیڈو، راہل گاندھی اور جگن موہن ریڈی۔ (فائل فوٹو)
آندھرا پردیش کے سابق وزیراعلیٰ اور وائی ایس آرسی پی صدر وائی وایس جگن موہن ریڈی نے بدھ (13 اگست، 2025) کو کانگریس لیڈر راہل گاندھی پرحملہ کیا۔ انہوں نے کہا کہ راہل گاندھی آندھرا پردیش میں ووٹنگ خامیوں پربحث کرنے سے بچ رہے ہیں اور صرف دہلی یا دیگرموضوعات پر توجہ مرکوزکررہے ہیں۔ انہوں نے مشورہ دیا کہ وزیراعلیٰ این چندرا بابونائیڈو تلنگانہ کے وزیراعلیٰ ریونت ریڈی کے ذریعہ راہل گاندھی سے رابطے میں ہیں۔
راہل گاندھی کی خاموشی پرسوال
جگن موہن ریڈی نے راہل گاندھی کے انتخابی موضوعات کو چنندہ طریقے سے اٹھانے پرسوال اٹھایا۔ انہوں نے کہا، “راہل گاندھی اروند کیجریوال کے بارے میں کیوں نہیں بات کرتے؟ کیجریوال خود اسمبلی کا الیکشن ہارگئے۔ راہل گاندھی آندھرا پردیش کے بارے میں کیوں نہیں بولتے؟ چندرا بابونائیڈو ریونت ریڈی کے ذریعہ سے ان سے رابطے میں ہیں۔ ایسے میں راہل گاندھی کے بارے میں کیا کہوں، جو خود ایماندار نہیں ہے۔ آندھرا پردیش کے سابق وزیراعلیٰ نے خصوصی طورآندھرا پردیش میں ووٹوں کی گنتی میں خامیوں کو بھی اجاگرکیا اورکہا کہ راہل گاندھی دہلی میں ووٹ چوری کی بات کرتے ہیں، لیکن آندھرا پردیش میں ڈکلیئراورشمارکئے گئے ووٹوں میں 12.5 فیصد کا فرق کیوں نہیں اٹھاتے۔ انہوں نے اسے سنگین موضوع بتایا کیونکہ حقیقی طورپرفرق 2.5 فیصد تھا۔
#WATCH | Amaravati, Andhra Pradesh: YSRCP chief YS Jagan Mohan Reddy says, “…Chandrababu Naidu is in touch with Rahul Gandhi through Revanth Reddy on a hotline.”
He also says, “When Rahul Gandhi talks about vote-chori, why does he not make a statement on Andhra, where the… pic.twitter.com/amysMjKT6Q
— ANI (@ANI) August 13, 2025
راہل گاندھی نے شیئرکیا تھا فکشنل ویڈیو
راہل گاندھی نے اسی دن ایکس پرایک فکشنل ویڈیوشیئرکیا تھا، جس میں انتخابی عمل کی تنقید کی گئی تھی۔ ویڈیومیں مبینہ طورپربی جے پی کے دولوگ الیکشن کمیشن کے افسران کے ساتھ مل کرنقلی ووٹ ڈالتے ہوئے دکھائے گئے تھے۔ ویڈیو میں یہ بھی دکھایا گیا کہ 50 سالہ ووٹر ‘گریب داس’ اوران کی اہلیہ کوان کا ووٹ دینے کا اختیارنہیں ملا کیونکہ ان کے ووٹ پہلے ہی کسی اورنے ڈال دیئے تھے۔ ویڈیوکا اختتام اس منظرکے ساتھ ہوتا ہے، جس میں دونوں لوگ بوتھ لیول افسرکے ساتھ سازش کرتے ہیں اورالیکشن کمیشن کو”الیکشن چوری کمیشن” کہہ کر خطاب کرتے ہیں۔ راہل گاندھی نے ویڈیوکے ساتھ بیان میں کہا کہ کسی کے ‘ووٹ کی چوری’ ان کے حقوق اورپہچان کی چوری کے برابرہے۔
ووٹنگ خامیوں پر بڑا سوال
جگن موہن ریڈی نے اس موقع پریہ بھی کہا کہ آندھرا پردیش میں ڈکلیئراورشمارکئے گئے ووٹوں کے درمیان فرق 12.5 فیصد تھا، جو باعث تشویش ہے۔ انہوں نے یہ بھی کہا کہ ایسے معاملوں میں لیڈران کی ذمہ داری بنتی ہے کہ وہ عوام کے حقوق کے تحفظ کے لئے آواز اٹھائیں۔ ریڈی نے راہل گاندھی کی اس خاموشی کو نہ صرف مشتبہ بتایا بلکہ اسے جمہوری عمل کے تئیں سنگین طور پر نظرانداز بھی قرار دیا۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
