امریکی صدر ڈونلڈ ٹرمپ نے ایک بڑا اعلان کرتے ہوئے بتایا کہ اسرائیل اور حماس غزہ امن معاہدے کے پہلے مرحلے پر متفق ہو گئے ہیں۔ اس معاہدے کے تحت جلد ہی حماس اپنے قبضے میں موجود یرغمالیوں کو رہا کرے گا اور اسرائیل اپنی فوج کو ایک طے شدہ حد تک پیچھے ہٹا لے گا۔ اس اعلان کے بعد وزیر اعظم نریندر مودی نے سوشل میڈیا پلیٹ فارم ایکس پر پوسٹ کرتے ہوئے ٹرمپ اور نیتن یاہو کی ستائش کی ہے۔
وزیر اعظم مودی کی ایکس پوسٹ
We welcome the agreement on the first phase of President Trump’s peace plan. This is also a reflection of the strong leadership of PM Netanyahu.
We hope the release of hostages and enhanced humanitarian assistance to the people of Gaza will bring respite to them and pave the way…
— Narendra Modi (@narendramodi) October 9, 2025
یہ خبر منظر عام پر آتے ہی ہندوستان کے وزیر اعظم نریندر مودی نے اس کا خیرمقدم کیا اور صدر ٹرمپ اور اسرائیلی وزیر اعظم بین جامن نیتن یاہو کی قیادت کی ستائش کی۔ وزیر اعظم مودی نے ایکس پر لکھا: ’’ہم صدر ٹرمپ کے امن منصوبے کے پہلے مرحلے پر ہونے والے معاہدے کا خیرمقدم کرتے ہیں۔ یہ وزیر اعظم نیتن یاہو کی مضبوط قیادت کا بھی مظہر ہے۔ ہمیں امید ہے کہ یرغمالیوں کی رہائی اور غزہ کے عوام کو دی جانے والی امداد ان کے لیے راحت کا سبب بنے گی اور پائیدار امن کی راہ ہموار کرے گی۔‘‘
کیا ہے پورا معاملہ؟
غزہ میں طویل عرصے سے جاری جنگ کو ختم کرنے کی سمت میں ایک بڑا قدم اٹھایا گیا ہے۔ امریکی صدر ڈونلڈ ٹرمپ کی ثالثی سے اسرائیل اور حماس نے امن منصوبے کے پہلے مرحلے پر اتفاق کیا ہے۔ ٹرمپ نے خود سوشل میڈیا پلیٹ فارم ’ٹروتھ‘پر اس کا اعلان کیا اور اسے ایک تاریخی اور بے مثال واقعہ قرار دیا۔
ٹرمپ کا کیا کہنا ہے؟
ڈونلڈ ٹرمپ نے کہا کہ اس معاہدے کے تحت غزہ میں جنگ بندی نافذ کی جائے گی، یرغمالیوں کی رہائی کو یقینی بنایا جائے گا اور اسرائیلی فوجیوں کو ایک طے شدہ حد تک واپس بلایا جائے گا۔ انہوں نے اسے مستقل امن کی طرف ایک مضبوط پہلا قدم قرار دیا۔ اس اعلان کے بعد غزہ میں جشن کا ماحول ہے، لوگ سڑکوں پر نکل کر خوشی منا رہے ہیں۔
اسرائیلی وزیر اعظم کا ردعمل
اسرائیلی وزیر اعظم بین جامن نیتن یاہو نے بھی اس معاہدے کو اسرائیل کے لیے ایک عظیم دن قرار دیا۔ انہوں نے کہا کہ وہ حکومت سے اس معاہدے کی منظوری کے لیے اجلاس بلائیں گے تاکہ تمام یرغمالیوں کو واپس لایا جا سکے۔ نیتن یاہو نے آئی ڈی ایف کے فوجیوں اور سکیورٹی فورسز کا ان کی بہادری اور قربانی کے لیے شکریہ ادا کیا۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
