ایکناتھ کھڑسے شرد پوار کو جھٹکا دے کر بی جے پی میں شامل ہوسکتے ہیں۔
Lok Sabha Election 2024: ملک میں لوک سبھا الیکشن سے متعلق سیاسی سرگرمیاں تیزہوگئی ہیں۔ سیاسی پارٹیوں میں جوڑتوڑکی سیاست چل رہی ہے۔ عام انتخابات سے پہلے مہاراشٹرمیں شرد پوارکی این سی پی کو بڑا جھٹکا لگ سکتا ہے۔ ان کی پارٹی کے بڑے لیڈربی جے پی میں گھرواپسی کرسکتے ہیں۔
ایکناتھ کھڑسے مہاراشٹربی جے پی کے سینئرلیڈرمانے جاتے تھے۔ انہوں نے بی جے پی چھوڑکراین سی پی شرد پوارگروپ کا دامن تھام لیا تھا۔ شرد گروپ میں شامل ہونے کے بعد ان پر انفورسمنٹ ڈائریکٹوریٹ (ای ڈی) کی تلوارلٹک رہی ہے۔ اب خبرہے کہ ایکناتھ کھڑسے پھرگھرواپسی کرسکتے ہیں۔ ان کے بی جے پی میں شامل ہونے کی قیاس آرائیاں کی جارہی ہیں۔
الیکشن میں بی جے پی کو مل سکتا ہے فائدہ
ایکناتھ کھڑسکے بی جے پی میں کب شامل ہوں گے، اسے لے کرآج دن اور وقت طے ہوجائے گا۔ لوک سبھا الیکشن سے پہلے ایکناتھ کھڑسے کی گھرواپسی سے ریاست میں بی جے پی کو مضبوطی ملے گی اوراس کا فائدہ الیکشن میں دیکھنے کو مل سکتا ہے۔ شرد پوارکی این سی پی کو بڑا نقصان ہوسکتا ہے۔
شردپوارگروپ کیوں چھوڑ رہے ہیں شرد گروپ؟
بی جے پی نے راویرلوک سبھا سیٹ سے ایک بارپھر موجودہ رکن پارلیمنٹ رکشا کوامیدواربنایا ہے۔ شرد پواراس سیٹ سے ایکناتھ کھڑسے کواتارنا چاہتے تھے۔ رکشا ایکناتھ کھڑسے کی بہو ہیں۔ ایسے میں انہوں نے شرد پوارگروپ کو چھوڑنا صحیح سمجھا۔
کون ہیں ایکناتھ کھڑسے؟
ایکناتھ کھڑسے جل گاوں ضلع کے مکتائی نگرسیٹ سے 6 بار رکن اسمبلی رہ چکے ہیں۔ وہ سال 1995 میں منوہرجوشی کی حکومت میں پہلی باروزیر بنے تھے۔ اس کے بعد وہ نارائن رانے کی حکومت میں بھی وزیربنائے گئے۔ کھڑسے نے تین جون 2016 کو دیویندرفڑنویس سے اختلاف کی وجہ سے اوربدعنوانی کے الزام میں وزیرعہدے سے استعفیٰ دے دیا تھا۔ اس کے بعد پارٹی نے انہیں کنارہ کردیا۔ اس سے ناراض ہوکرکھڑسے نے 2020 کے اکتوبرمیں این سی پی کا دامن تھاما تھا۔ وہ فی الحال ایم ایل سی ہیں۔ ان کی بیٹی روہنی این سی پی (شرد پوار) کی خواتین ونگ کی صدرہیں۔
بھارت ایکسپریس۔
