نئی دہلی: دہلی کانگریس نے بدھ کو بی جے پی اورعام آدمی پارٹی پردوہرا حملہ کرتے ہوئے دونوں پر بدانتظامی اور وعدہ خلافی کا الزام لگایا۔ کانگریس نے کہا کہ گزشتہ ایک دہائی سے مرکزاوردہلی میں اقتدارمیں رہنے والی ان دونوں پارٹیوں نے عوام کی امیدوں کو توڑا ہے۔ دہلی کانگریس کے ریاستی دفتر میں صدر دیویندریادو اورسابق ریاستی صدر اجے ماکن، دہلی کے انچارج قاضی نظام الدین وغیرہ موجود رہے۔
کانگریس کا عام آدمی پارٹی اور بی جے پی پرحملہ
دہلی کانگریس صدردیویندریادو نے ایک پریس کانفرنس میں کہا، ”گزشتہ 11 سالوں سے عام آدمی پارٹی نے دہلی میں حکومت کی ہے اور بی جے پی گزشتہ 10 سالوں سے مرکزمیں ہے۔ دہلی کی عوام نے ان حکومتوں سے بڑی امیدیں لگائی تھیں، لیکن انہیں صرف کھوکھلے وعدے اور مایوسی ملی ہے۔“ اس موقع پرکانگریس نے ایک بُک لیٹ جاری کی، جسے”وہائٹ پیپر“ کے طورپرپیش کیا گیا۔ اس بُک لیٹ کا عنوان تھا، ”موقع موقع، ہربار دھوکہ“۔
‘मौक़ा मौक़ा हर बार धोखा’
आज दिल्ली प्रदेश कांग्रेस कार्यालय पर भाजपा और AAP के द्वारा 10 वर्षों में दिल्ली के ख़िलाफ़ किए गए अन्याय को उजागर करने वाली ‘मौक़ा मौक़ा हर बार धोखा’ पुस्तिका जारी की गई।
इस मौक़े पर कांग्रेस कोषाध्यक्ष एवं वरिष्ठ कांग्रेस नेता श्री @ajaymaken जी,… pic.twitter.com/NlGcjfR0Ff
— Delhi Congress (@INCDelhi) December 25, 2024
مرکز اور ریاستی حکومت کے درمیان ملی بھگت
اس بُک لیٹ میں بدعنوانی، خواتین کی سیکورٹی، مرکز اور ریاستی حکومت کے درمیان ملی بھگت، بنیادی ڈھانچے کے رکے ہوئے کام، فرقہ وارانہ کشیدگی، پسماندہ طبقات کے حقوق، صفائی ملازمین، ای رکشہ ڈرائیوروں اور گگ ورکرس کی حالت زارجیسے اہم مسائل پر روشنی ڈالی گئی۔
اجے ماکن کا کیجریوال پرحملہ
سینئرکانگریس لیڈراجے ماکن نے کہا کہ کووڈ-19 کے دوران جب لوگ مررہے تھے، تب عام آدمی پارٹی کی حکومت نے ’شیش محل‘ بنانے میں پیسے خرچ کئے۔ یہ وزیراعلیٰ کے سرکاری رہائش پر کئے گئے زبردست خرچ کی طرف اشارہ تھا۔ انہوں نے کہا کہ مرکزی حکومت نے بھی ایسا ہی کیا اور سینٹرل وسٹا پروجیکٹ پرپیسہ بہایا۔ انہوں نے کہا کہ لوک سبھا الیکشن میں کانگریس اورعام آدمی پارٹی کے درمیان الائنس کی ہمیشہ مخالفت کی ہے، یہ ہماری ایک بھول تھی۔ انہوں نے کہا کہ مجھے کبھی بھروسہ نہیں تھا کہ اروند کیجریوال پر اعتماد کیا جا سکتا ہے۔ ان کا کوئی نظریہ نہیں ہے اوروہ اپنی خواہشات کے لئے کچھ بھی کرسکتے ہیں۔
दिल्ली को लंदन और सिंगापुर जैसा बनाने का वादा करने वालों ने इसे गड्ढों और कूड़ों के शहर में बदल दिया।
-श्री @devendrayadvinc जी
अध्यक्ष, दिल्ली प्रदेश कांग्रेस कमेटी#मौका_मौका_हर_बार_धोखा#दिल्ली_में_हाथ_बदलेगा_हालात pic.twitter.com/Jr9jeqvYYe
— Delhi Congress (@INCDelhi) December 25, 2024
اسپتالوں اوراسکولوں کے بجٹ پراٹھایا سوال
کانگریس کے سابق ریاستی صدراور سابق مرکزی وزیراجے ماکن نے کہا کہ دہلی میں 14 اسپتالوں کی تعمیرکرنے کے لئے 10,250 کروڑ روپئے چاہئے، لیکن صحت بجٹ میں صرف 372 کروڑ روپئے الاٹ ہوئے۔ اس رفتار سے ان اسپتالوں کوشروع ہونے میں 30 سال لگیں گے۔ انہوں نے یہ بھی کہا کہ سرکاری اسکولوں میں اقتصادی طورپرکمزور طبقہ (ای ڈبلیوایس) کی 56,000 سے زیادہ سیٹیں اساتذہ اورضروری اسٹاف کی کمی کے سبب خالی ہیں۔
بھارت ایکسپریس۔
