![](https://urdu.bharatexpress.com/wp-content/uploads/2024/07/Rahul-Gandhi-IANS.webp)
لوک سبھا میں اپوزیشن لیڈر راہل گاندھی۔ (فائل فوٹو)
Union Budget 2024: وزیراعظم نریند رمودی کے 3.0 کے پہلے بجٹ سے متعلق بی جے پی کے لیڈران جم کرتعریف کررہے ہیں۔ وہیں اس بجٹ سے متعلق لوک سبھا کے اپوزیشن لیڈراور کانگریس کے قدآورلیڈر راہل گاندھی نے مودی حکومت پر تنقید کی ہے۔ راہل گاندھی نے اسے کرسی بچاؤ بجٹ قرار دیا ہے۔
راہل گاندھی نے اس بجٹ کو اتحادیوں کو خوش کرنے والا بتایا ہے۔ انہوں نے کہا کہ بجٹ میں دیگر ریاستوں کی قیمت پر ان سے (اتحادیوں سے) کھوکھلے وعدے کئے گئے۔ راہل گاندھی نے کہا کہ یہ بجٹ اپنے دوستوں کو خوش کرنے کے لئے لایا گیا ہے۔ اس سے اے اے (اڈانی-امبانی) کو فائدہ ہوگا اور عام ہندوستانیوں کو کوئی راحت نہیں ملے گی۔ اتنا ہی نہیں راہل گاندھی نے اس بجٹ کو کاپی پیسٹ قرار دیا۔ انہوں نے دعویٰ کیا کہ بجٹ کانگریس کے انتخابی منشوراور گزشتہ بجٹ سے کاپی کیا گیا ہے۔
“Kursi Bachao” Budget.
– Appease Allies: Hollow promises to them at the cost of other states.
– Appease Cronies: Benefits to AA with no relief for the common Indian.
– Copy and Paste: Congress manifesto and previous budgets.
— Rahul Gandhi (@RahulGandhi) July 23, 2024
بجٹ پر ملیکا ارجن کھڑگے نے بھی اٹھایا سوال
دوسری جانب، کانگریس صدرملیکا ارجن کھڑگے نے بھی اسے کاپی پیسٹ بجٹ قرار دیا۔ انہوں نے ٹوئٹ کرکے کہا، کانگریس کے انصاف کے ایجنڈے کو ٹھیک طرح سے کاپی بھی نہیں کرپائے۔ مودی حکومت کا نقلی بجٹ۔ مودی حکومت کا بجٹ اپنے الائنس کے ساتھیوں کو ٹھگنے کے لئے آدھی ادھوری ریوڑیاں بانٹ رہا ہے، تاکہ این ڈی اے بچی رہے۔ یہ ملک کی ترقی کا نہیں مودی حکومت بچاؤ بجٹ ہے۔
بھارت ایکسپریس–