Home » قومی » Haryana Assembly Election 2024: ہریانہ اسمبلی الیکشن میں عام آدمی پارٹی کے ساتھ الائنس کرے گی کانگریس؟ بھوپیندر سنگھ ہڈا نے خود کردیا واضح
Haryana Assembly Election 2024: ہریانہ اسمبلی الیکشن میں عام آدمی پارٹی کے ساتھ الائنس کرے گی کانگریس؟ بھوپیندر سنگھ ہڈا نے خود کردیا واضح
ہریانہ میں اسی سال کے آخر میں ہونے والے اسمبلی الیکشن سے متعلق بھوپیندر سنگھ ہڈا نے بڑا دعویٰ کیا ہے۔ انہوں نے کہا کہ اس الیکشن میں کانگریس کو کامیابی ملے گی۔
ہریانہ کے سابق وزیراعلیٰ بھوپیندر سنگھ ہڈا۔ (فائل فوٹو)
Haryana Election 2024: لوک سبھا الیکشن کے نتائج کے بعد بی جے پی، کانگریس، آئی این ایل ڈی، جے جے پی اورعام آدمی پارٹی اسمبلی الیکشن کی تیاریوں میں مصروف ہوگئی ہیں۔ کانگریس لوک سبھا نتائج سے پُرجوش ہے۔ اس درمیان ہریانہ کے سابق وزیراعلیٰ اورکانگریس کے سینئر لیڈر بھوپیندرسنگھ ہڈا نے دعویٰ کیا کہ اس بار کانگریس کی حکومت بنے گی۔
سابق وزیراعلیٰ بھوپیندرسنگھ ہڈا نے نیوزایجنسی پی ٹی آئی سے بات چیت میں کہا، ”لوک سبھا الیکشن میں لوگوں نے جو فیصلہ کیا ہے، 36 برادری کی حمایت ملی ہے۔ کانگریس کے ووٹ میں بھی 20 فیصد کا اضافہ ہوا ہے۔ بی جے پی گھٹی ہے۔ یہ ایک واضح اشارہ ہے کہ ہریانہ میں 36 برادری نے من بنا لیا ہے کہ آنے والی حکومت کانگریس کی ہوگی۔”
انہوں نے عام آدمی پارٹی سے الائنس سے متعلق سوال پر کہا کہ وہ قومی سطح پر ہے، ہریانہ میں کوئی الائنس نہیں ہے۔ واضح رہے کہ لوک سبھا الیکشن میں کانگریس اورعام آدمی پارٹی نے دہلی، ہریانہ، گجرات، گوا اور آسام میں الائنس کیا تھا۔ آپ ان ریاستوں میں الیکشن نہیں جیت سکی ہے۔
VIDEO | “That’s on the national level. There’s no alliance (AAP and Congress) in Haryana,” says Former Haryana CM Bhupinder Singh Hooda.
لوک سبھا الیکشن میں ہریانہ میں کانگریس 10 میں سے 9 سیٹوں پرالیکشن لڑی تھی اور عام آدمی پارٹی کروشیتر سیٹ پر میدان میں تھی۔ کانگریس اور بی جے پی نے 5-5 سیٹیں جیتی ہیں۔ یہ بی جے پی کے لئے بڑا جھٹکا مانا گیا ہے۔ 2019 کے الیکشن میں بی جے پی نے سبھی 10 سیٹوں پرجیت درج کی تھی۔
بی جے پی کو سب سے زیادہ 46.11 فیصد، کانگریس کو 43.67 فیصد، عام آدمی پارٹی کو 3.49 فیصد، آئی این ایل ڈی کو 1.74 فیصد، بی ایس پی کو 1.28 فیصد اور بی جے پی کو 0.87 فیصد ووٹ ملے۔ 2019 کے لوک سبھا الیکشن میں بی جے پی کو 58.02 فیصد، کانگریس کو28.42 فیصد اور جے جے پی کو 4.9 فیصد ووٹ ملے تھے۔
