Asaduddin Owaisi: اسدالدین اویسی کی مودی حکومت پر سخت تنقید، شادی کی عمر بڑھانے اور شراب سے متعلق کہی یہ بڑی بات

Asaduddin Owaisi News: آل انڈیا مجلس اتحاد المسلمین (اے آئی ایم آئی ایم) کے سربراہ اسدالدین اویسی نے مرکزکی مودی حکومت پرسخت تنقید کی ہے۔ انہوں نے شراب سے ہونے والی اموات کا حوالہ دیتے ہوئے نوجوانوں کو سیاست میں شامل کرنے کی بات کہی ہے۔ اتنا ہی نہیں، انہوں نے طنز کرتے ہوئے کہا کہ بی جے پی شادی کی عمر 21 سال کرنا چاہتی ہے، لیکن شراب کے لئے کم ازکم عمر کو گھٹانا چاہتی ہے۔ شراب ایک عوامی صحت کا معاملہ ہے، یہ صرف حکومت کے ٹیکس ریوینو تک محدود نہیں ہے۔

اسدالدین اویسی نے ٹوئٹ کرکے کہا کہ شراب سے ہونے والی اموات کے سبب جی ڈی پی کو بھی 1.5 فیصد کا نقصان ہو رہا ہے۔ ایسے میں نوجوانوں کوسیاست میں لانا ضروری ہے۔ انہوں نے لوک سبھا الیکشن لڑنے کے لئے کم از کم عمرکو 25 سال سے گھٹاکر 20 کرنے کا مطالبہ کیا ہے۔ یہ پہلی بار نہیں ہے جب اویسی نے الیکشن لڑنے کے لئے عمرکا معاملہ اٹھایا ہو۔ انہوں نے اگست میں مانسون سیشن کے دوران ایک پرائیویٹ بل پیش کیا تھا۔ اس بل میں الیکشن لڑنے کی عمر کو کم کرنے کا مطالبہ کیا  تھا۔ انہوں نے اپنے اس بل میں کہا تھا کہ رکن پارلیمنٹ بننے کی عمر 25 سال سے گھٹاکر 20 سال کرنی چاہئے۔

For short-term revenue gains, govt is playing with India’s future. BJP wants to increase marriage age to 21 but reduce minimum age for alcohol. Studies show higher minimum drinking age saves lives. Alcohol’s a public health issue & not just about individual choice or tax revenue pic.twitter.com/UdoJU9XiR3

— Asaduddin Owaisi (@asadowaisi) January 17, 2023

شراب سے ہو رہی اموات کے سبب جی ڈی پی کو نقصان

ایک رپورٹ میں یہ دعویٰ کیا گیا ہے کہ ہندوستان میں شراب کے زیادہ استعمال سے ہونے والی اموات کی وجہ سے ہرسال ملک کی جی ڈی پی میں 1.45 فیصد کی کمی دیکھنے کو مل سکتی ہے۔ یہ بات تین ڈاکٹروں اور دو پبلک ریسرچرکی طرف سے کی گئی ایک تحقیق میں سامنے آئی تھی۔ اس میں شراب سے ہونے والی بیماریوں اور ان سے ہونے والے نقصان کے بارے میں بھی بتایا گیا ہے۔ ان بیماریوں میں لیور کی بیماری، کینسر اور سڑک حادثہ کے اعدادوشمار کو سمجھایا گیا ہے۔