ٹی ایم سی سربراہ ممتا بنرجی نے بیرون ممالک کے وفد میں یوسف پٹھان کی جگہ ابھیشیک بنرجی کو بھیجنے کا فیصلہ کیا ہے۔
مغربی بنگال کی وزیراعلیٰ ممتا بنرجی نے بیرون ملک جانے والے اراکین پارلیمنٹ اورلیڈران کے وفد میں جانے سے متعلق ترنمول کانگریس (ٹی ایم سی) لیڈرکے نام سے متعلق بڑا فیصلہ لیا ہے کہ ٹی ایم سی کی جانب سے یوسف پٹھان کی جگہ ابھیشیک بنرجی وفد میں جائیں گے۔ اس معاملے میں مرکزی وزیر برائے پارلیمانی امور کرن رجیجونے ممتا بنرجی سے بات کرلی ہے۔
ٹی ایم سی کے ذرائع کے مطابق، کرن رجیجو نے مبینہ طورپر ٹی ایم سی صدرممتا بنرجی کو خاموش کرنے اورٹی ایم سی کے نمائندہ کے لئے ان کا مشورہ لینے کے لئے فون کیا۔ کرن رجیجو نے وزیراعلیٰ ممتا بنرجی کو بتایا کہ انہیں پارٹی سے مشورہ لینا چاہئے تھا۔ اس کے بعد ممتا بنرجی نے ابھیشیک بنرجی کے نام کی سفارش کی۔
Under the guidance of AITC Chairperson @MamataOfficial, a 5-member delegation will be proceeding to Srinagar, Poonch, and Rajouri
The delegation comprising @derekobrienmp @MdNadimulHaque6 @ManasB_Official @sagarikaghose and Mamata Thakur, will be in the region from May 21 to 23…
— All India Trinamool Congress (@AITCofficial) May 20, 2025
سری نگر، پونچھ اورراجوری بھی جائے گا ٹی ایم سی کا وفد
آل انڈیا ترنمول کانگریس (ٹی ایم سی) کی صدر ممتا بنرجی کی رہنمائی میں 5 رکنی وفد سری نگر، پونچھ اورراجوری جائے گا۔ اس وفد میں ڈیرک اوبرائن، ندیم الحق، مانس رنجن بھونیا، ساگریکا گھوش اورممتا ٹھاکرہوں گے۔ یہ نمائندہ وفد سرحد پارحملوں سے متاثرلوگوں کے ساتھ اتحاد ظاہرکرنے اورحادثہ میں جان گنوانے والوں کے اہل خانہ کے تئیں تعزیت کرنے کے لئے 21 سے 23 مئی تک علاقے میں رہیں گے۔
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
