عام آدمی پارٹی کے رکن پارلیمنٹ راگھو چڈھا کو راجیہ سبھا سے معطل کردیا گیا ہے۔
Parliament Monsoon Session 2023: عام آدمی پارٹی کے راجیہ سبھا رکن پارلیمنٹ راگھو چڈھا کو فرضی دستخط معاملے میں راجیہ سبھا سے معطل کردیا گیا ہے۔ راجیہ سبھا میں عام آدمی پارٹی کے رکن پارلیمنٹ راگھو چڈھا کے خلاف تجویز پیش کی جا رہی ہے۔ ایوان میں ان کے طرزعمل کو قابل مذمت بتایا گیا۔
راجیہ سبھا میں بی جے پی لیڈراوررکن پارلیمنٹ پیوش گوئل نے راگھو چڈھا کے معاملے کا ذکرکیا۔ انہوں نے کہا کہ یہ بہت سنگین معاملہ ہے، جس طرح سے بغیر اراکین کی جانکاری کے ان کا نام لسٹ میں ڈال دیا گیا ہے، وہ بہت ہی غلط بات ہے۔
#WATCH | Rajya Sabha Chairman Jagdeep Dhankhar announces the suspension of AAP MP Sanjay Singh
He says, “…I find it expedient to refer the matter to the Committee of Privileges…suspension order dated 24th July 2023 may continue beyond the current session till the Council has… pic.twitter.com/WoOCPiaZYa
— ANI (@ANI) August 11, 2023
کب تک جاری رہیں گے راگھو چڈھا معطل
پیوش گوئل نے کہا کہ بعد میں راگھو چڈھا نے ایوان سے باہرجاکرکہا کہ انہوں نے کچھ غلط نہیں کیا ہے اور وہ اس معاملے پرٹوئٹ بھی کرتے رہے۔ جب تک استحقاق کمیٹی (پریویلیج کمیٹی) کی خلاف ورزی کی رپورٹ نہیں آجاتی ہے۔
رپورٹ آنے تک سنجے سنگھ بھی معطل
مرکزی وزیر اورراجیہ سبھا کے لیڈرپیوش گوئل نے یہ بھی کہا کہ سنجے سنگھ نے بھی جس طرح کا طرزعمل پیش کیا وہ بھی قابل مذمت ہے۔ وہ معطلی کے بعد بھی ایوان میں بیٹھے رہے۔ اس کی وجہ سے ایوان کی کارروائی بھی معطل کرنی پڑی۔ یہ چیئرکی توہین ہے۔ سنجے سنگھ اب تک 56 بار ویل میں آچکے ہیں، جو دکھاتا ہے کہ وہ ایوان کی کارروائی میں رخنہ اندازی کرنا چاہتے ہیں۔ سنجے سنگھ راجیہ سبھا کی خصوصی استحقاق کمیٹی کی رپورٹ آنے تک معطل رہیں گے۔
بھارت ایکسپریس۔
