18 Delhi Metro Station Closed: دہلی میٹرو کے 18 اسٹیشن آج بھی بند، راجیو چوک، آئی ٹی او، منڈی ہاؤس اور سپریم کورٹ اسٹیشن شامل، ڈی ایم آر سی کی ایڈوائزری جاری

نئی دہلی : دارالحکومت دہلی میں سکیورٹی وجوہات کے پیش نظر دہلی میٹرو کے 18 اسٹیشن مسلسل چوتھے روز بھی بند رہیں گے۔ دہلی میٹرو ریل کارپوریشن(ڈی ایم آر سی) کی جانب سے جاری ایڈوائزری کے مطابق یہ فیصلہ صبح 7:30 بجے سے نافذ العمل ہے۔ بند کیے گئے اہم اسٹیشنوں میں راجیو چوک، آئی ٹی او، منڈی ہاؤس، سپریم کورٹ، سنٹرل سیکریٹریٹ اور نئی دہلی سمیت کئی اہم میٹرو اسٹیشن شامل ہیں، جس کے باعث ہزاروں مسافروں کو شدید مشکلات کا سامنا کرنا پڑ رہا ہے۔ڈی ایم آر سی کا کہنا ہے کہ یہ فیصلہ عوامی سلامتی اور سکیورٹی کو مدنظر رکھتے ہوئے لیا گیا ہے۔ تاہم اسٹیشنوں کی بندش کی وجہ سے دفتری ملازمین، طلبہ اور روزانہ میٹرو کے ذریعے سفر کرنے والے افراد کی مشکلات میں نمایاں اضافہ ہوا ہے۔

مسافروں کا کہنا ہے کہ

Wow, now the New Delhi Metro station is also closed. How and what will someone do if they have to catch the train? New Delhi Railway Station is already chaotic these days, with a 1 km-long line. pic.twitter.com/PfGwpoNdUf

— Abhishek Anand Tiwari (@MAbhishekAnand) July 24, 2026

جہاں پہلے وہ 30 سے 40 روپے میں اپنے دفتر یا گھر پہنچ جاتے تھے، اب انہیں روزانہ کیب یا آٹو رکشہ پر 400 سے 500 روپے تک خرچ کرنے پڑ رہے ہیں۔ ہفتہ اور اتوار کی تعطیلات کے باوجود سفر کرنے والوں کو بھی پریشانی کا سامنا کرنا پڑے گا، جبکہ راجیو چوک اور منڈی ہاؤس جیسے انٹرچینج اسٹیشن بند ہونے سے متبادل راستوں پر بھی شدید دباؤ دیکھا جا رہا ہے۔منڈی ہاؤس، آئی ٹی او اور سنٹرل سیکریٹریٹ کے اطراف متعدد سرکاری دفاتر اور وزارتیں واقع ہیں، جہاں روزانہ بڑی تعداد میں ملازمین میٹرو کے ذریعے پہنچتے ہیں۔ اسی طرح سیوا تیرتھ کے علاقے، جہاں وزیر اعظم کی رہائش گاہ، وزیر اعظم کا دفتر اور دیگر اہم سرکاری دفاتر موجود ہیں، وہاں بھی میٹرو خدمات متاثر ہیں۔ نئی دہلی ریلوے اسٹیشن جانے والے مسافر بھی میٹرو اسٹیشنوں کی بندش کے باعث شدید دشواری کا سامنا کر رہے ہیں۔

#WATCH | Delhi | DMRC announced yesterday that 18 metro stations will remain closed today from 07.30 AM onwards until further notice due to heightened security concerns amid the ongoing protests at Jantar Mantar.

Visuals from the RK Ashram Marg metro station. pic.twitter.com/IUzxViZAIt

— ANI (@ANI) July 25, 2026

ادھر جنتر منتر کے اطراف سکیورٹی مزید سخت کر دی گئی ہے۔ دہلی پولیس نے مختلف مقامات پر بیریکیڈ نصب کیے ہیں، جنہیں موٹی زنجیروں سے باندھنے کے ساتھ ویلڈ بھی کیا گیا ہے تاکہ انہیں ہٹایا یا منتقل نہ کیا جا سکے۔ڈی ایم آر سی نے مسافروں کو مشورہ دیا ہے کہ وہ سفر سے قبل متبادل راستوں کی معلومات حاصل کریں اور منزل تک پہنچنے کے لیے اضافی وقت لے کر روانہ ہوں، کیونکہ موجودہ پابندیوں کے باعث کئی اہم راستوں پر ٹریفک کا دباؤ بھی بڑھ گیا ہے۔

بھارت ایکسپریس اردو