پاکستان کے عام انتخابات میں بے ضابطگیوں کا معاملہ
واشنگٹن: امریکا نے کہا ہے کہ پاکستان میں حال ہی میں ختم ہونے والے عام انتخابات میں ‘مداخلت یا بے ضابطگی’ کے الزامات کی ملکی قوانین اور طریقہ کار کے تحت شفاف طریقے سے مکمل چھان بین ہونی چاہیے۔ امریکی محکمہ خارجہ کے ترجمان میتھیو ملر نے یہ تبصرہ منگل کے روز کیا۔ ملر راولپنڈی کے سابق کمشنر لیاقت علی چٹھہ کی جانب سے انتخابی دھاندلی کے حوالے سے لگائے گئے الزامات سے متعلق سوال کا جواب دے رہے تھے۔
سینئر پاکستانی بیوروکریٹ کا الزام
بتا دیں کہ 17 فروری کو ایک سینئر پاکستانی بیوروکریٹ نے الزام لگایا تھا کہ چیف الیکشن کمشنر اور چیف جسٹس 8 فروری کو ہوئے انتخابات میں “دھاندلی” میں ملوث تھے۔ سابق وزیر اعظم عمران خان کی پارٹی پاکستان تحریک انصاف کے پارلیمنٹ میں سب سے بڑے گروپ کے طور پر ابھرنے اور اسے ملنے والے مینڈیٹ کے بارے میں ایک اور سوال کے جواب میں ملر نے کہا کہ میں پاکستان کے اندرونی معاملات میں نہیں پڑنا چاہتا۔ …” انہوں نے کہا کہ وہ اس معاملے کو پاکستان پر چھوڑ دیں گے لیکن “ہم کسی بھی غلط کام یا بے ضابطگیوں کے الزامات کی مکمل تحقیقات چاہتے ہیں۔”
امریکہ انٹرنیٹ کی مکمل آزادی چاہتا ہے: ملر
نقدی کے بحران کے شکار ملک میں سوشل میڈیا پلیٹ فارم ایکس کی معطلی پر ملر نے کہا کہ امریکہ دنیا بھر میں انٹرنیٹ کی مکمل آزادی چاہتا ہے، اس میں وہ پلیٹ فارم بھی شامل ہیں جن کا استعمال لوگ ایک دوسرے سے بات چیت کے لیے کرتے ہیں۔
بتا دیں کہ سابق وزیراعظم عمران خان کی پارٹی پاکستان تحریک انصاف (پی ٹی آئی) نے مرکز، پنجاب اورخیبرپختونخوا صوبوں میں حکومت بنانے کے لئے سنی اتحاد کونسل (ایس آئی سی) کے ساتھ اتحاد کرے گی۔ پی ٹی آئی کو اس سے قبل مجلس وحدت المسلمین (ایم ڈبلیو ایم) کے ساتھ اتحاد میں بتایا گیا تھا، جوایک شیعہ گروپ ہے، لیکن یہ بات چیت کامیاب نہیں ہوسکی۔ پی ٹی آئی لیڈر بیرسٹرگوہرعلی خان نے سنی اتحاد کونسل کے ساتھ اتحاد کی جانکاری دیتے ہوئے کہا کہ ہماری پارٹی ایس آئی سی کے ساتھ ’رسمی معاہدے‘ پرپہنچ گئی ہے۔ گوہرعلی خان نے کہا کہ قومی اسمبلی پنجاب اورخیبرپختونخوا اسمبلی کے ہمارے امیدوارسنی اتحاد کونسل میں شامل ہوں گے
بھارت ایکسپریس۔
