پاکستان کے سابق وزیر اعظم عمران خان۔
PTI Chief Imran Khan In Attock Jail: پاکستان تحریک انصاف (پی ٹی آئی کے نائب صدر شاہ محمود قریشی نے دعویٰ کیا ہے کہ پی ٹی آئی سربراہ عمران خان کی جان خطرے میں ہے۔ جیل افسر انہیں کھانا بھی نہیں دے رہے ہیں۔ اے آروائی نیوز ویب سائٹ کی رپورٹ کے مطابق، شاہ محمود قریشی نے کہا کہ آئی جی اسلام آباد کو حکم جاری کیا گیا تو لاہورپولیس پی ٹی آئی سربراہ کو گرفتار کرنے کے لئے فوراً زماں پارک کی رہائش گاہ پہنچ گئی۔ شاہ محمود قریشی نے کہا کہ عدالت نے متعلقہ افسران کو پی ٹی آئی سربراہ کوادیالہ جیل میں رکھنے کا حکم دیا، لیکن انہیں اٹک جیل میں ٹرانسفر کردیا گیا ہے۔ پاکستانی میڈیا کے مطابق، انہوں نے کہا کہ اٹک جیل میں سہولیات کی کمی ہے، جہاں بی کلاس سہولیت فراہم نہیں کی جاتی ہیں۔
عمران خان سے ملنے تک نہیں دیا گیا
پی ٹی آئی کے نائب صدرشاہ محمود قریشی نے دعویٰ کرتے ہوئے کہا کہ وکیلوں کو جیل میں عمران خان سے ملنے تک نہیں دیا گیا۔ وہ پاورآف اٹارنی پران کے دستخط کے بغیرپی ٹی آئی سربراہ کی رہائی کے لئے اپیل دائرنہیں کر سکتے۔ شاہ محمود قریشی نے اس بات کی بھی تنقید کی کہ عمران خان کو ان کی میڈیکل جانچ کے لئے پولی کلینک کے میڈیکل بورڈ میں نہیں لے جایا گیا، جو ہرایک قیدی کے لازمی حقوق اورجیل انتظامیہ کی ذمہ داری ہے۔
#ReleaseImranKhan @PTIofficial @ImranKhanPTI pic.twitter.com/P11Wd4fqBN
— Shah Mahmood Qureshi (@SMQureshiPTI) August 6, 2023
انہوں نے عدلیہ سے مطالبہ کیا کہ وہ اس پر توجہ دیں کیونکہ عمران خان کی زندگی خطرے میں ہے۔ پاکستان تحریک انصاف (پی ٹی آئی) کے صدر کو گزشتہ ہفتہ (5 اگست) کو توشہ خانہ معاملے میں قصوروار پائے جانے کے بعد تین سال جیل کی سزا سنائی گئی، اس کے فوراً بعد لاہور میں ان کے زماں پارک رہائش گاہ سے گرفتار کرلیا گیا تھا۔
5 سال تک الیکشن نہیں لڑسکتے
پاکستان تحریک انصاف (پی ٹی آئی) کے صدرعمران خان کو توشہ خانہ معاملے گرفتاری کے بعد اٹک جیل میں ٹرانسفر کردیا گیا۔ عدالت نے پی ٹی آئی کے سربراہ پرایک لاکھ پاکستانی روپئے کا جرمانہ بھی لگایا۔ عدالت نے سابق وزیر اعظم کو پانچ سال تک عوامی عہدہ سنبھالنے کے لئے نا اہل قرار دے دیا۔ اس کا مطلب وہ آئندہ 5 سال تک الیکشن نہیں لڑسکتے ہیں۔
بھارت ایکسپریس۔
