Israel-Gaza War: تل ابیب میں گلے ملنے والے نیتن یاہواور بائیڈن کی ‘محبت’ میں دراڑ، جانئے پورا معاملہ

نیتن یاہو کے ساتھ قریبی تعلقات رکھنے والے بائیڈن نے اپنے طویل کیریئر کے دوران اسرائیل کے لیے اپنی حمایت کو کبھی نہیں چھپایا یہاں تک کہ انہوں نے ایک بار لکھا کہ “نیتن یاھو میں تم سے پیار کرتا ہوں”۔ تاہم لگتا ہے محبت کا صفحہ سات ماہ کی جنگ کے بعد بند ہو گیا ہے۔

رفح پراسرائیلی حملے سے دونوں اتحادی ممالک کے رہ نماؤں کے درمیان گہری دراڑ پیدا ہو گئی۔ امریکی صدر نے اس ہفتے پہلی بار یہ اشارہ دیا کہ ان کا ملک اسرائیل کی کچھ فوجی امداد معطل کر دے گا جو کہ سالانہ تین بلین ڈالر بنتی ہے۔ انہوں نے اسرائیل پر زور دیا کہ وہ جنوبی غزہ کے شہر رفح پر حملے سےباز رہے۔

دونوں ممالک کے درمیان شرمناک صورتحال

بائیڈن اسرائیل کی دفاعی امداد روک کر شرمناک صورت حال میں گھر چکے ہیں۔ کیونکہ غزہ میں جنگ شروع ہونے کے بعد سے اسرائیل کی لامحدود حمایت کے پس منظر کے خلاف انہیں اپنے ملک میں تنقید کا سامنا ہے۔ رواں سال ہونے والے انتخابات صدر بائیڈن کے لیے ایک نئی آزمائش ہیں کیونکہ اسرائیل کو ناراض کرکے انہوں نے یہودی ووٹروں کی مخالفت مول لی ہے اور انہیں اس کی قیمت انتخابات میں چکانی پڑ سکتی ہے۔