نیدر لینڈ میں ایک بار پھر قرآن پاک کی بے حرمتی کی کوشش کی گئی ہے۔ایک بار پھر سے قرآن پاک کو نذر آتش کرنے کا نفرتی عمل انجام دینے کی کوشش کی گئی ہے ۔ حالانکہ اس کیلئے پیگیڈا رہنما کو مقامی حکومت وانتظامیہ سے بھی اجازت مل گئی تھی لیکن اس ذمہ دار اور انصاف پسند اور مسلم معاشرے نے اس کی ہرگز اجازت نہیں دی جس کی وجہ سے جب یہ سب کچھ کرنے کی کوشش کی گئی تو پھر مسلم نوجوانوں اور مظاہرین کا سخت غصہ اور مزاحمت کا سامنا کرنا پڑا ۔ اس دوران نیدر لینڈز میں مسلم نوجوانوں نے پولیس حصار توڑ کر انتہا پسند کو قرآنِ کریم کی توہین سے روک دیا۔دائیں بازو کے انتہا پسند 2 افراد قرآنِ پاک کی توہین کرنا چاہتے تھے۔اس موقع پر مسلم نوجوانوں نے انتہا پسندوں کی ناپاک کوشش ناکام بنا دی جس کے بعد انتہا پسند فراربھی ہوگیا۔
ہالینڈ میں پولیس اور ایک گروپ کے درمیان یہ جھگڑا اس وقت شروع ہو گیا جب پیٹریاٹک یورپین اگینسٹ دی اسلامائزیشن آف دی ویسٹ تحریک کے رہنما ایڈون ویگنز ویلڈ نے کی قرآن پاک کو نذرآتش کرنے کی کوشش کی تھی۔اس دوران تین افراد کو گرفتار کیا گیا اور تین افسران کو معمولی چوٹیں آئیں۔واضح رہے کہ پیگیڈا رہنما کو پولیس کی حفاظت میں رکھا گیا تھا۔مراکش نژاد ارنہم کے میئر احمد مارکوچ نے کہا کہ ہالینڈ میں مقدس کتاب کو جلانا ممنوع ہے۔یاد رہے کہ نیدرلینڈز میں، میئرز کو یہ اختیار حاصل ہے کہ اگر وہ امن عامہ میں خلل کی توقع رکھتے ہیں تو وہ مظاہروں پر پابندی لگاسکتے ہیں۔
Protesters attack man in Netherlands, trying to burn the Quran. pic.twitter.com/iifCzFsdRg
— Citizen Free Press (@CitizenFreePres) January 13, 2024
واضح رہے کہ شرپسندوں کی جانب سے ایسی حرکت پر شہر کے مسلمان مبینہ طور پر ویگنز ویلڈ اور ارنہم کے میئر احمد مارکوچ سے ناراض ہیں کیونکہ جانسپلین پر معاملات مکمل طور پر ہاتھ سے نکل گئے تھے۔اس واقعے کی ایک ویڈیو بھی سوشل میڈیا پر وائرل ہو رہی ہے، جس میں ویگنز ویلڈ کے نام سے ایک شخص کو دیکھا جا سکتا ہے جو اسلامی مقدس کتاب قرآن کو جلانے کی کوشش کر رہا ہے۔ ہالینڈ کی مسلم مخالف تنظیم پیگیڈا کے سربراہ ویگنز ویلڈ نے دی ہیگ میں جاری عدالتی کارروائی کے دوران قرآن پاک کا دوسرا نسخہ پھاڑ دیا۔ اسی طرح، جنوری 2023 میں، ڈچ پارلیمنٹ کے قریب قرآن کے نسخہ کی بے حرمتی کی گئی ۔
مبینہ ویڈیو میں جنسپلین کی سڑک پر مکمل افراتفری کا ماحول دیکھا جاسکتا ہےاور یہ سب اس وقت ہورہا تھا جب پیگیڈا کے رہنما نے مقدس کتاب کو جلانے کی کوشش کی تھی ۔ اسی دوران مظاہرین میں سے ایک شخص نے بچ بچا کر اس شرپسند تک پہنچ گیا اور اس کو زبردست انداز میں مکے مار کر گرا دیا اور پھر پٹائی شروع کردی، اس دوران موقع پر موجود پولیس اہلکاروں نے انہیں الگ کرنے کی کوشش کی۔اور بعد میں اس کو گرفتار کرلیا۔
بھارت ایکسپریس۔
