جموں وکشمیر کے سابق وزیر اعلیٰ اور نیشنل کانفرنس کے سربراہ فاروق عبداللہ۔ (فائل فوٹو)
نئی دہلی: نیشنل کانفرنس کے سربراہ اورجموں وکشمیرکے سابق وزیراعلیٰ فاروق عبداللہ نے کہا ہے کہ ہندوستان اور پاکستان کے درمیان تنازعہ کو حل کرنے کے لئے بات چیت بے حد ضروری ہے۔ انہوں نے کہا کہ اگر ہندوستان اور پاکستان کے درمیان مذاکرات نہیں ہوئی تو اس کا نتیجہ غزہ اور فلسطین جیسا ہی ہوگا۔ قابل ذکر ہے کہ غزہ پٹی میں اس وقت اسرائیل وحشیانہ بمباری کر رہا ہے، جس میں 20 ہزار سے زائد فلسطینیوں کے شہید ہونے کی خبرہے۔
سالوں سے چلے آرہے تنازعات کو حل کرنے کے لئے پاکستان سے بات نہیں کرنے کے لئے نریندر مودی حکومت کی تنقید کرتے ہوئے فاروق عبداللہ نے کہا کہ جب تک بات چیت شروع نہیں ہوتی، ہمارا بھی غزہ جیسا ہی حشرہوسکتا ہے۔ میڈیا سے بات کرتے ہوئے سری نگر کے رکن پارلیمنٹ نے ہندوستان-پاکستان تعلقات پر سابق وزیراعظم اٹل بہاری واجپئی کے بیان کا ذکر کیا۔ “ہم اپنے دوست بدل سکتے ہیں، لیکن اپنے پڑوسی نہیں۔”
#WATCH | National Conference MP Farooq Abdullah says, “Atal Bihari Vajpayee had said that we can change our friends but not our neighbours. If we remain friendly with our neighbours, both will progress. PM Modi also said that war is not an option now and the matters should be… pic.twitter.com/EcPx9B70jJ
— ANI (@ANI) December 26, 2023
جموں وکشمیر کے سابق وزیراعلیٰ فاروق عبداللہ نے کہا، “وزیراعظم مودی نے یہ بھی کہا کہ جنگ اب کوئی متبادل نہیں ہے اور معاملوں کو بات چیت کے ذریعہ حل کیا جانا چاہئے۔ بات چیت کہاں ہے…؟ نواز شریف، پاکستان کے وزیراعظم بننے والے ہیں وہ کہہ رہے ہیں کہ ہم (ہندوستان سے) بات چیت کے لئے تیار ہیں، لیکن کیا وجہ ہے کہ ہم بات کرنے کے لئے تیار نہیں ہیں؟” انہوں نے کہا کہ “اگرہم بات چیت کے ذریعہ حل نہیں تلاش کرتے ہیں تو ہمارا بھی غزہ اور فلسطین جیسا ہی حشرہوگا، جن پراسرائیل بمباری کر رہا ہے۔”
-بھارت ایکسپریس
