Israel-Palestine war: اسرائیل اورفلسطین کے درمیان جاری خطرناک جنگ کے درمیان روس سے ایک بڑی خبر سامنے آئی ہے۔ بتایا جاتا ہے کہ اتوارکے روزایک ہجوم نے روس کے داغستان میں ایئرپورٹ پریہ افوٓاہ پھیلنے کے بعد اپنی گرفت میں لے لیا کہ اسرائیل سے ایک پروازآرہی ہے۔ مظاہرین نے فلسطینی پرچم لئے ہوئے ایئرپورٹ پراحتجاج کیا کہ وہ اسرائیل سے آئے ہیں یا یہودی ہیں۔ ہجوم نے اسرائیلی مسافروں سے اپنے ملک واپس لوٹ جانے کا مطالبہ کیا۔
اللہ اکبرکے نعروں سے گونج اٹھا ایئرپورٹ
احتجاج کررہے لوگوں میں سے کئی افراد ”اللہ اکبر“ کے نعرے لگا رہے تھے۔ پولیس کا الزام ہے کہ مظاہرین نے ایئرپورٹ کے قواعد وضوابط اوردروازے کو توڑتے ہوئے طیارے تک پہنچ گئے اوراحتجاجی مظاہرہ کیا۔ انہیں لگا کہ وہ اسرائیلی عوام اوریہودیوں کولے جارہے ہیں۔ حالانکہ باضابطہ طورپراس پورے معاملے کی تصدیق نہیں کی جاسکی ہے۔’
BREAKING:
The lynch mob which stormed the airport in Dagestan, Russia to search for Jews as a plane was landing from Tel Aviv has found its first “suspected Jew”
He tells them he is Uzbek, but they don’t believe him
“Take his passport, search his phone” pic.twitter.com/9gKteyKFz0
— Visegrád 24 (@visegrad24) October 29, 2023
Visegrád 24 کے ذریعہ شیئرکئے گئے ایک مبینہ ویڈیو میں ایک شخص کوازبکستان سے ہونے کا دعویٰ کرتے ہوئے ہجوم سے بات کرتے ہوئے دکھایا گیا ہے، جواس کا پاسپورٹ اورفون دیکھنے کا مطالبہ کررہے تھے۔ کئی مقامی ٹیلی گرام چینلوں نے ایئرپورٹ کے باہرکاروں کو روکنے کے لئے انتظارکررہے درجنوں افراد کی تصاویراورویڈیو بھی دکھائے۔ حالانکہ بھارت ایکسپریس اردو کی طرف سے اس کی تائید نہیں کی جا رہی ہے۔
دی گارجین کی رپورٹ میں کہا گیا ہے کہ جب سینکڑوں مظاہرین ایئرپورٹ کے مین ٹرمنل میں گھس آئے تو پولیس کھڑی رہی۔ انہوں نے ممنوعہ علاقوں میں داخلہ حاصل کیا اورکسٹم ڈپارٹمنٹ کے افسران سے آنے والے مسافروں کو بھیڑکی طرف بھیجنے کی اپیل کی۔ رپورٹس کے مطابق، افسران نے ایک ٹیلی گرام پیغام میں کہا کہ ”صورتحال کنٹرول میں ہے“۔ حادثہ میں کچھ لوگ زخمی ہوئے ہیں، لیکن انہوں نے یہ نہیں بتایا کہ کتنے لوگ یا کون لوگ زخمی ہوئے ہیں۔
In #Dagestan, a crowd stormed the building of Makhachkala airport in search of Jews from a flight from Tel Aviv. pic.twitter.com/TaBvakBKIE
— NEXTA (@nexta_tv) October 29, 2023
پروازیں بند کردی گئیں
اس واقعہ کے فوراً بعد روسی ایوی ایشن ایجنسی Rosaviatsia نے اعلان کیا کہ Makhachkala کے ہوائی اڈے کو آنے اورجانے والی پروازوں کے لیے بند کردیا گیا ہے اورسیکورٹی فورسز جائے وقوعہ پر موجود ہیں۔ وہیں، اتوارکی دیرشب روزاویتسیا نے اعلان کیا کہ ہوائی اڈے کو بھیڑسے”آزاد” کردیا گیا ہے اوراسے 6 نومبرتک کے لئے بند کردیا گیا ہے۔
