نوبل انعام یافتہ اور مشہور ماہر اقتصادیات پروفیسر امرتیہ سین کی موت کی خبر اس سال معاشیات کا نوبل انعام حاصل کرنے والی ماہر معاشیات کلاڈیا گولڈن کے جعلی سوشل میڈیا کے ذریعے دی گئی۔ یہ ایک جعلی خبر تھی جس کا مقصد افواہیں پھیلانا تھا۔ ماہر اقتصادیات کلاڈیا گولڈن کی سوشل میڈیا سائٹ ایکس پر بنی فرضی آئی ڈی سے پوسٹ کیا گیا، جس میں یہ لکھا گیا کہ – ایک افسوسناک خبر۔ میرے سب سے پیارے دوست پروفیسر امرتیہ سین کا چند منٹ پہلے انتقال ہو گیا۔ میرے پاس الفاظ نہیں ہیں۔
A terrible news. My dearest Professor Amartya Sen has died minutes ago. No words. pic.twitter.com/giIdK0t2XA
— Claudia Goldin (@profCGoldin) October 10, 2023
حالانکہ اس فرضی خبر کے وائرل ہونےمیں ذرا بھی وقت نہیں لگا ،کئی مقامات پر پروفیسر امرتیہ کے انتقال کی خبریں چلنے لگیں ۔ فیس بک سے لیکر ایکس تک ہر جگہ یہ افواہ پھیلنے لگی کہ پروفیسر امرتیہ سین کا انتقال ہوگیا ہے۔ البتہ اس خبر کےوا ئرل ہوتے ہی امرتیہ سین کی بیٹی نندنا سین نے ایکس پر اپنے پوسٹ میں اس خبرکی تردید کرتے ہوئے اسے افواہ بتایا اور لکھا کہ دوستو، آپ کی تشویش کا شکریہ لیکن یہ فرضی خبر ہے۔بابا بالکل ٹھیک ہیں۔ ہم نے ابھی کیمبرج میں فیملی کے ساتھ ایک شاندار ہفتہ گزارا ہے۔ وہ ہارورڈ میں ہفتے میں 2 کورسز پڑھا ر ہے ہیں،اور اپنی صنفی کتاب پر کام کر ر ہے ہیں۔ہمیشہ کی طرح وہ مصروف ہیں ۔!
Friends, thanks for your concern but it’s fake news: Baba is totally fine. We just spent a wonderful week together w/ family in Cambridge—his hug as strong as always last night when we said bye! He is teaching 2 courses a week at Harvard, working on his gender book—busy as ever! pic.twitter.com/Fd84KVj1AT
— Nandana Sen (@nandanadevsen) October 10, 2023
پروفیسر امرتیہ سین کو 1998 میں معاشیات کا نوبل انعام ملا تھا۔ تاہم ان کی بیٹی نندنا دیو سین نے اپنے والد کے انتقال کی خبروں کی تردید کی جس کے بعد انکشاف ہوا کہ یہ خبر افواہ ہے۔ماہر اقتصادیات امرتیا سین 1933 میں شانتی نکیتن، بنگال میں پیدا ہوئے۔ امرتیہ سین کی نانی کے گرودیو رابندر ناتھ ٹیگور کے ساتھ بہت اچھے تعلقات تھے، اس لیے انھوں نے یہ نام امرتیہ سین کو دیا۔ ان کی ابتدائی تعلیم سینٹ جارج اسکول ڈھاکہ میں ہوئی۔ ان کے والد آشوتوش سین ڈھاکہ یونیورسٹی میں کیمسٹری کے پروفیسر تھے۔ ایک بنگالی خاندان میں پیدا ہوئے، امرتیہ سین کا پورا خاندان کافی پڑھا لکھا اور ترقی پسند ہے۔
بھارت ایکسپریس۔
