پاکستان کے نگراں وزیر اعظم انوارالحق کاکڑ۔ (فائل فوٹو)
Anwaarul Haq Elected Caretaker PM of Pakistan: پاکستان میں انوارالحق کاکڑکونگراں (کارگزار) وزیراعظم کے طورپرمنتخب کیا گیا ہے۔ سبکدوش وزیراعظم شہبازشریف اورقومی اسمبلی میں سبکدوش ہونے والے اپوزیشن لیڈر راجہ ریاض نے بلوچستان سے تعلق رکھنے والے انوارالحق کاکڑ کے نام پراتفاق کرلیا۔ میڈیا رپورٹس کے مطابق، انوارالحق کا نام صدرعارف علوی کے پاس بھیج دیا گیا ہے۔ انوارالحق آج (ہفتہ) کوحلف اٹھا سکتے ہیں۔
بلوچستان عوامی پارٹی (بی اے پی) سے وابستہ سینیٹرانوارالحق کاکڑاس سال کے آخرمیں نئے الیکشن تک کارگزارحکومت کی قیادت کریں گے۔ وزیراعظم شہبازشریف نے 9 اگست کو قومی اسمبلی کو تحلیل کرنے کی سفارش کی تھی۔ ایسے میں آئین کے مطابق، آئندہ عام انتخابات 90 دنوں کے اندرمنعقد کرائے جائیں گے۔
ذرائع کا کہنا ہے کہ انوارالحق کاکڑنگراں وزیراعظم ہوں گے۔ وزیراعظم شہبازشریف اوراپوزیشن لیڈر نے دستخط کرکے اپنا مشورہ پاکستان کے صدرعارف علوی کوبھجوا دی ہے جبکہ شہباز شریف نے مشاورتی عمل میں تعاون اوران 16 ماہ میں بطوربہترین حزب اختلاف کی قیادت پرشکریہ اداکیا۔ اپوزیشن لیڈرنے میڈیا سے بات چیت کرتے ہوئے کہا کہ وزیراعظم کے ساتھ میٹنگ ہوئی۔ 3 نام انہوں نےاور3 نام میں نے دیئے، آج کی میٹنگ میں وزیراعظم اورمیں نے اپنے اپنےساتھیوں سےمشورہ کیا اوراتفاق ہوا کہ جوبھی وزیراعظم ہوچھوٹے صوبے سے ہو۔
واضح رہے کہ 9 اگست کو پارلیمنٹ تحلیل ہونے کے ساتھ ہی وزیراعظم شہبازشریف کی مدت کاربھی ختم ہوگئی تھی۔ ایسے میں آج کارگزاروزیراعظم منتخب کئے جانے کی آخری تاریخ تھی۔ اس سے پہلے پاکستان کے صدرعارف علوی نے شہبازشریف کوخط لکھ کرجلد ازجلد نیا کارگزاروزیراعظم مقررکرنے کوکہا تھا، جس پرشہبازشریف نے ناراضگی کا اظہارکیا تھا۔
واضح رہے گذشتہ روز وزیراعظم ہاؤس میں شہبازشریف نے اتحادی جماعتوں کے رہنماؤں سے مشورہ کیا تھا، اہم میٹنگ میں شامل لیڈران نے نگراں وزیراعظم کی تقرری چھوٹے صوبہ سے کرنے کی تجویزدی تھی۔ وہیں راجہ ریاض کا کہنا تھا کہ انوارالحق کاکڑکے نام پراتفاق ہوا ہے، میرے اپوزیشن لیڈرکا کردارختم ہوگیا ہے۔
بھارت ایکسپریس۔
