نئی دہلی: وزیراعظم نریندرمودی نے بھوٹان کے دورے کے دوران دہلی میں ہوئے خطرناک حادثہ پراظہارافسوس کیا اورمتاثرہ فیملی کے تئیں اظہارتعزیت کیا۔ انہوں نے کہا کہ وہ بھاری دل سے بھوٹان آئے ہیں کیونکہ گزشتہ شام (10 نومبر) کے حادثہ نے پورے ملک کوگہرے صدمے میں ڈال دیا ہے۔ وزیراعظم نے بتایا کہ وہ پوری رات حادثہ کی جانچ میں مصروف سبھی ایجنسیوں کے ساتھ رابطے میں رہے اور ضروری احکامات دیتے رہے۔ انہوں نے واضح الفاظ میں کہا کہ اس سازش کی گہرائی تک پہنچنے کے لئے سبھی وسائل لگائے جائیں گے اوراس کے پیچھے کے سازش کرنے والوں کو بخشا نہیں جائے گا۔
وزیراعظم نے متاثرین کے اہل خانہ سے اظہارتعزیت کیا
وزیراعظم مودی نے کہا کہ حادثے میں جن اہل خانہ نے اپنے عزیزوں کوگنوایا ہے، پورا ملک ان کے غم میں شریک ہے۔ انہوں نے سوگوار خاندانوں سے تعزیت کا اظہارکیا اورزخمیوں کی جلد صحت یابی کی دعا کی۔ سیکورٹی اورقانون نافذ کرنے والے اداروں کومکمل اختیاردیا گیا ہے کہ وہ مجرموں کی نشاندہی کریں اوراس دھماکہ میں شامل قصورواروں کے خلاف سخت ترین ممکنہ کارروائی کویقینی بنانے کے لیے منصفانہ اورفوری تحقیقات کو یقینی بنائیں۔
Speaking in Thimphu, Bhutan. Watch. https://t.co/nLu0f5q5WY
— Narendra Modi (@narendramodi) November 11, 2025
پی ایم مودی نے بھوٹان سے متعلق دیا یہ بڑا بیان
وزیراعظم نریندرمودی نے کہا کہ آج کا دن بھوٹان، اس کے شاہی خاندان اورعالمی امن میں یقین رکھنے والے تمام لوگوں کے لیے بہت اہم ہے۔ انہوں نے کہا کہ ہندوستان اوربھوٹان کے درمیان صدیوں سے خوشگوار، روحانی اورثقافتی تعلقات رہے ہیں جودونوں ممالک کی مشترکہ وراثت کی عکاسی کرتے ہیں۔ انہوں نے کہا کہ اس تاریخی موقع پرشرکت کرنا نہ صرف ہندوستان کے لئے بلکہ ان کے لئے بھی ایک عزم اورعزم کی علامت ہے۔انہوں نے کہا کہ ہندوستان ہمیشہ بھوٹان کے ساتھ کھڑا رہے گا اوروقت کے ساتھ ساتھ دونوں ممالک کے تعلقات مزید مضبوط ہوں گے۔
مہلوکین کی تعداد 12 پہنچی
دہلی میں لال قلعہ کے پاس کار میں دھماکہ کی شدت اتنی خطرناک تھی کہ آس پاس موجود دیگر گاڑیوں اور لوگوں کے پرخچے اڑگئے۔ اب تک اس حادثہ میں مہولین کی تعداد 12 ہوگئی ہے۔ پولیس نے منگل کو یہ جانکاری دی ہے۔ وہیں، 20 سے زیادہ لوگ زخمی ہیں، جن کا اسپتال میں علاج جاری ہے۔ ان میں سے کئی لوگوں کی حالت سنگین ہے۔ واضح رہے کہ لال قلعہ میٹرو کے گیٹ نمبر ایک کے پاس سست رفتار سے چل رہی ایک کار میں زبردست دھماکہ ہوا تھا۔
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
