نئی دہلی: پارلیمنٹ کے مانسون سیشن میں آپریشن سندورپرآج بحث ہو رہی ہے۔ اس درمیان کانگریس رکن پارلیمنٹ پرینکا گاندھی نے مرکزی حکومت کوگھیرا۔ حالانکہ انہوں نے پہلگام میں مارے گئے لوگوں کوہندوستانی بتایا، تولوک سبھا میں برسراقتدارکی طرف سے ہنگامہ کھڑا ہوگیا۔ بی جے پی اراکین پارلیمنٹ نے مارے گئے لوگوں سے متعلق کہا کہ وہ ہندوتھے، لیکن پرینکا گاندھی مسلسل دوہراتی رہیں کہ وہ ہندوستانی تھے۔
پرینکا گاندھی نے کہا کہ بیسرن وادی میں 25 ہندوستانیوں کوماردیا گیا ہے۔ ان کے لئے کوئی سیکورٹی نہیں تھی۔ اس دوران بی جے پی اراکین پارلیمنٹ نے انہیں ٹوکتے ہوئے کہا کہ وہ ہندوتھے۔ برسراقتدارکی طرف سے ہندو-ہندوکے نعرے لگائے گئے، جبکہ اپوزیشن نے بھارتیہ-بھارتیہ (ہندوستانی-ہندوستانی) کے نعرے لگائے۔ وہیں، لوک سبھا میں پرینکا گاندھی نے مارے گئے سبھی 25 لوگوں کے نام گنائے۔
پرینکا گاندھی نے کہا- ”میں ان کا درد سمجھتی ہوں…“
کانگریس رکن پارلیمنٹ نے کہا، ”مرکزی وزیرداخلہ نے آج میری ماں کے آنسوؤں کے بارے میں بات کی۔ میں اس کا جواب دینا چاہتی ہوں۔ میری ماں کے آنسوتب بہے تھے، جب دہشت گردوں نے میرے والد کومارڈالا تھا۔ آج جب میں ان 26 لوگوں (پہلگام حملہ کے متاثرین) کے بارے میں بات کرتی ہوں، توایسا اس لئے ہے کیونکہ میں ان کا درد سمجھتی ہوں۔“ انہوں نے حکومت کو گھیرتے ہوئے کہا، ”ملک کی قیادت صرف حصولیابیوں کا کریڈٹ لینے سے مضبوط نہیں ہوتا ہے۔ یہ سونے کا نہیں کانٹوں کا تاج ہے۔“
#WATCH | In Lok Sabha, Congress MP Priyanka Gandhi Vadra says, “… Yesterday, the Defence Minister spoke for an hour, during which he spoke about terrorism, protecting the country, and also gave a history lesson. But one thing was left out- How did this attack happen?…” pic.twitter.com/as9gAbNCjr
— ANI (@ANI) July 29, 2025
پرینکا گاندھی نے وزیراعظم کوغیرذمہ دارقراردیا
کانگریس لیڈرپرینکا گاندھی نے کہا، ”ملک کی تاریخ میں یہ پہلی بارہوا، جنگ ہوتے ہوتے ہی رک گئی۔ اس رکاوٹ کا اعلان ہماری حکومت یا فوج نہیں کرتی بلکہ امریکہ کے صدرکرتے ہیں۔ یہ ہمارے وزیراعظم صاحب کی غیرذمہ داری کی سب سے بڑی علامت ہے۔” انہوں نے کہا، ”بیسرن وادی کا راستہ آسان نہیں ہے۔ جنگل اورپہاڑوں کے درمیان سے جانا پڑتا ہے۔ وہاں کئی خاندان پہنچے۔ موسم سہانا تھا۔ شبھم دویدی کی اہلیہ نے کہا، جب دہشت گردوں نے چن چن کرمارا، تب ایک بھی سیکورٹی اہلکارنہیں نظرآیا۔” پرینکا گاندھی نے مزید کہا، ”بھارت سرکارنے ٹی آرایف کو2023 میں دہشت گرد تنظیم مانا۔ یہ پہلے ہی حملہ کرچکے تھے۔ ٹی آرایف نے ہندوستان میں 2020 میں کل 41 حملے کئے۔ پاکستان میں حملے کا منصوبہ بنا، لیکن ہمیں پتہ ہی نہیں چلا۔ یہ ہماری ایجنسیوں کی ناکامی ہے۔”
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
