بی جے پی نے لوک سبھا انتخابات کے لیے اپنے 195 امیدواروں کی پہلی فہرست جاری کر دی ہے۔جب کہ اب سب کو کانگریس کی فہرست کا انتظار ہے۔ قابل ذکر بات یہ ہے کہ امیدواروں کی فہرست کے بارے میں کانگریس کے سینئر لیڈر سچن پائلٹ نے کہا ہے کہ کانگریس جلد ہی اپنے امیدواروں کی پہلی فہرست جاری کرے گی۔ اس کے علاوہ انہوں نے خود الیکشن لڑنے کے بارے میں بھی جواب دیا۔
جب سچن پائلٹ سے پوچھا گیا کہ کیا وہ اس بار الیکشن لڑیں گے تو ان کا کہنا تھا کہ سنٹرل الیکشن کمیٹی فیصلہ کرتی ہے کہ کس کو الیکشن لڑنا چاہیے اور کس کو نہیں۔
#WATCH | Delhi: Congress leader Sachin Pilot says, “We had a good meeting. We are in the process of finalising the names…A CEC meeting will happen on March 7. We will declare the names as the elections are not far…We are strengthening the INDIA alliance…” pic.twitter.com/kCRQNnaetJ
— ANI (@ANI) March 5, 2024
سچن پائلٹ نے کہا، “ہماری اچھی میٹنگ رہی ہے۔ ہم ریاستوں کے لیے اپنے ناموں کو مسلسل حتمی شکل دے رہے ہیں۔ ہم 7 مارچ کو سی ای سی کی میٹنگ کر رہے ہیں۔ امید ہے کہ ہم بڑی تعداد میں ناموں کا اعلان کریں گے کیونکہ انتخابات زیادہ دور نہیں ہیں۔ہاں راجستھان کے حوالے سے بھی اچھی میٹنگ ہوئی ہے اور وہاں ہمارے حق میں ماحول بن رہا ہے۔
سچن پائلٹ نے کہا، “ہم لوگ چارہے ہیں کہ ہماری تیاری مکمل رہے۔ کانگریس کارکن پوری طاقت کے ساتھ آگے بڑھ رہے ہیں۔ ہم لو گ انڈیااتحاد کو مضبوط کر رہے ہیں۔ ہم نے مختلف ریاستوں میں کچھ سیٹوں کو حتمی شکل دی ہے اور باقی ریاستوں میں ہم بہت جلدی ہی سیٹوں کی تقسیم کو حتمی شکل دیں گے۔.”
الیکشن لڑنے کے حوالے سے پائلٹ کا کہنا تھا کہ کون الیکشن لڑے گا اس کا فیصلہ سینٹرل الیکشن کمیٹی کرتی ہے اور بہت جلد سی ای سی کا اجلاس ہونے والا ہے۔ جس کے بعد سب کچھ سامنے آئے گا۔
بھارت ایکسپریس
