Rajeev Shukla Interim BCCI President: ہندوستان کے انگلینڈ دورے سے پہلے روجربنی ہوئے ریٹائر، راجیوشکلا بی سی سی آئی کے عبوری صدر مقرر

Rajeev Shukla New BCCI President: راجیو شکلا کو ہندوستانی کرکٹ کنٹرول بورڈ (بی سی سی آئی) کا عبوری صدر نامزد کیا گیا ہے۔ روجربنی کے اس عہدے سے ریٹائرہونے کے بعد راجیوشکلا کوبی سی سی آئی کا عبوری صدربنایا جائے گا۔ سابق کرکٹ کھلاڑی روجربنی سال 2022 سے اس عہدے پر تھے۔ اب 19 جولائی، 2025 کوان کی مدت کارپوری ہوگئی ہے، جس کے بعد وہ ریٹائر ہوگئے ہیں اورنئے صدرکے اعلان تک راجیوشکلا اس عہدے کوسنبھالیں گے۔

راجیوشکلا بنیں گے کارگزارصدر

سابق صحافی اورراجیہ سبھا رکن راجیو شکلا اس وقت ہندوستانی کرکٹ کنٹرول بورڈ (بی سی سی آئی) میں نائب صدرہیں۔ روجربنی کے ریٹائرہونے کے بعد وہ جولائی سے کارگزارصدربھی رہیں گے۔ راجیوشکلا کویہ ذمہ داری تب تک سنبھالنی ہوگی، جب تک نئے صدرکے لئے الیکشن نہیں ہوجاتے۔ اس سال ستمبرمہینے میں بی سی سی آئی کے صدرعہدے کا الیکشن ہوسکتا ہے۔

روجربنی کو کیوں ہونا پڑا ریٹائر؟

روجربنی ہندوستان کی 1938 میں ورلڈ کپ کی فاتح ٹیم کا حصہ رہ چکے ہیں۔ ہندوستان نے اس سال تب ورلڈ کپ جیتا تھا اورروجربنی اس ٹورنا منٹ میں سب سے زیادہ وکٹ حاصل کرنے والے گیند بازبنے تھے۔ 1983 کے ورلڈ کپ میں روجربنی نے 18 وکٹ حاصل کئے تھے اورہندوستانی ٹیم کی جیت میں ایک اہم تعاون دیا تھا۔

روجربنی 18 اکتوبر، 2022 سے بی سی سی آئی میں صدرعہدے پرہیں اور19 جولائی کوان کی مدت ختم ہورہی ہے۔ دراصل، اس دن روجر بنی 70 سال کے ہوجائیں گے۔ بی سی سی آئی میں ایک ضابطہ ہے کہ 70 سال کی عمرہوجانے کے بعد ہرعہدیداراپنے عہدے سے ریٹائرہو جاتا ہے۔ وہیں راجیوشکلا کافی لمبے وقت سے ہندوستانی کرکٹ بورڈ سے جڑے ہوئے ہیں۔ ہندوستان کے بیشترمیچوں میں راجیوشکلا اسٹیڈیم میں نظرآتے ہیں۔ ایسی قیاس آرائیاں کی جارہی ہیں کہ راجیوشکلا کوبی سی سی آئی کا نیا صدربنایا جاسکتا ہے۔