جسپریت بمراہ کو آئی سی سی ٹسٹ کرکٹر آف دی ایئر 2024 منتخب کیا گیا ہے۔(فائل فوٹو)
انٹرنیشنل کرکٹ کونسل کے سالانہ انعامات میں ہندوستانی تیز گیند باز جسپریت بمراہ نے ایک بڑا ایوارڈ اپنے نام کیا ہے۔ آئی سی سی نے ٹسٹ کرکٹرآف دی ایئر کا اعلان کردیا ہے۔ سال 2024 میں اپنی یادگار کارکردگی کے لئے جسپریت بمراہ کو ٹسٹ کرکٹرآف دی ایئرمنتخب کیا گیا ہے۔ جسپریت بمراہ نے گزشتہ سال ٹسٹ کرکٹ میں کافی شاندار کارکردگی کا مظاہرہ کیا تھا اور آسٹریلیا دورے پر کافی زبردست کھیل کا مظاہرہ کیا تھا۔
بمراہ کی تاریخی کارکردگی
جسپریت بمراہ کے لئے گزشتہ ٹسٹ کرکٹ میں کافی اچھی کارکردگی رہی۔ انہوں نے ہندوستان کے علاوہ غیرملکی حالات میں بھی اچھا کھیل دکھایا۔ واضح رہے کہ جسپریت بمراہ نے سال 2023 کے آخر میں پیٹھ کی چوٹ سے ٹھیک ہوکرٹسٹ میں واپسی کی تھی اورسال 2024 میں وہ ہندوستان کے سب سے کامیاب کھلاڑیوں میں سے ایک رہے۔ انہوں نے گزشتہ سال ٹسٹ میں گھریلو حالات پرانگلینڈ اوربنگلہ دیش کے خلاف ٹیم کی جیت میں اہم رول نبھایا۔ دوسری طرف جنوبی افریقہ اور آسٹریلیا میں بھی وہ کافی کامیابی رہے۔
جسپریت بمراہ نے سال 2024 میں کل 13 ٹسٹ میچ کھیلے۔ اس دوران انہوں نے 14.92 کی اوسط سے 71 وکٹ حاصل کئے۔ وہ گزشتہ سال ٹسٹ کرکٹ میں سب سے زیادہ وکٹ لینے والے گیند باز بھی رہے۔ ان کے علاوہ اورکوئی بھی گیند باز60 وکٹ کا بھی اعدادوشمارنہیں چھوسکا۔ واضح رہے کہ ٹسٹ تاریخ میں ایک کلینڈر سال میں 70 سے زیادہ وکٹ لینے والے 17 گیند بازوں میں سے کسی نے بھی بمراہ جتنی کم اوسط سے ایسا نہیں کیا ہے۔ وہیں بمراہ ہندوستان کے صرف چوتھے ہی ایسے گیند باز ہیں، جنہوں نے ایک کلینڈرسال میں 70 سے زیادہ ٹسٹ وکٹ حاصل کئے۔
‘Game Changer’ Jasprit Bumrah is awarded the ICC Men’s Test Cricketer of the Year 2024 🥁🥁
Bumrah took 71 wickets at a stunning average of 14.92, finishing as the highest wicket taker in Test cricket in 2024.#TeamIndia | @Jaspritbumrah93 pic.twitter.com/WHUciUK2Qb
— BCCI (@BCCI) January 27, 2025
عظیم کرکٹروں کی فہرست میں شامل ہوئے بمراہ
واضح رہے کہ جسپریت بمراہ آئی سی سی ٹسٹ کرکٹر آف دی ایئر کا ایوارڈ جیتنے والے صرف چھٹے ہندوستانی ہی ہیں۔ ان سے پہلے راہل دراوڑ، گوتم گمبھیر، ویریندرسہواگ، روی چندرن اشون اور وراٹ کوہلی بھی یہ ایوارڈ جیت چکے ہیں۔ تاہم ان میں سے کوئی بھی تیزگیند بازنہیں ہے۔ یعنی جسپریت بمراہ آئی سی سی ٹسٹ کرکٹر آف دی ایئرمنتخب کئے جانے والے ہندوستان کے پہلے تیز گیند باز بنے ہیں۔
جسپریت بمراہ نے کیا خوشی کا اظہار
جسپریت بمراہ نے آئی سی سی ٹسٹ کرکٹرآف دی ایئرمنتخب کئے جانے کے بعد کہا کہ یہ فارمیٹ میرے دل کے بہت قریب ہے۔ میں ہمیشہ ٹسٹ کرکٹ کھیلنا چاہتا تھا۔ گزشتہ سال میرے لئے بہت خاص رہا۔ میں نے بہت ساری چیزیں سیکھیں اورمیچ بھی جیتے۔ وائی جیگ میں اولی پوپ کا وکٹ میرے کئے سب سے اسپیشل رہا۔ اس وکٹ کی وجہ سے میچ کا مومنٹس بدل گیا تھا۔ اس ایوارڈ کو پاکر بہت خوش ہوں۔
بھارت ایکسپریس اردو۔
