وراٹ کوہلی آئی پی ایل 2024 میں اپنا ہی ریکارڈ توڑ سکتے ہیں۔
IPL 2024 Virat Kohli Record: آئی پی ایل میں رائل چیلنجرس بنگلورو (آرسی بی) کے اسٹار کھلاڑی وراٹ کوہلی شاندار فارم میں نظرآرہے ہیں۔ اس سیزن میں وراٹ کوہلی کے بلے سے جم کر رن نکل رہے ہیں۔ ابھی تک وراٹ کوہلی اس سیزن میں سب سے زیادہ رن بنانے والے بلے باز ہیں اور ان کے سرپر ہی اورینج کیپ بھی ہے۔ وہیں اب وراٹ کوہلی سے متعلق آسٹریلیا کے وکٹ کیپر بلے باز نے بڑا دعویٰ کیا ہے۔ آسٹریلیائی عظیم کرکٹر کا ماننا ہے کہ وراٹ کوہلی اس سیزن میں جس کمال کے فارم میں دکھائی دے رہے ہیں، وہ اپنے سال 2016 کے ریکارڈ کو توڑسکتے ہیں۔
سال 2016 میں وراٹ کوہلی نے بنائے تھے سب سے زیادہ رن
سال 2016 میں وراٹ کوہلی نے پورے سیزن میں کمال کی بلے بازی کی تھی۔ اس سیزن میں انہوں نے چارسنچری بھی لگائی تھی۔ سال 2016 میں وراٹ کوہلی نے 16 میچوں میں بلے بازی کرتے ہوئے 973 رن بنائے تھے۔ اس سیزن میں آرسی بی فائنل میں بھی پہنچی تھی، لیکن فائنل میں ٹیم کو سن رائزرس حیدرآباد کو ہار کا سامنا کرنا پڑا تھا۔
وہیں اب وراٹ کوہلی سے متعلق آسٹریلیا کے سابق عظیم کرکٹر میتھیو ہیڈن نے اسٹار اسپورٹس پر کہا کہ وراٹ کوہلی اس سیزن میں جس طرح کے فارم میں نظرآرہے ہیں، وہ اپنے سال 2016 کی کارکردگی سے آگے نکل سکتے ہیں۔ جس میں انہوں نے 973 رن بنائے تھے۔ وراٹ کوہلی کی توانائی میدان پر کافی نظرآتی ہے، جس طرح سے میچ کے دوران انہوں نے میدان پر دکھایا تھا اور چنئی سپرکنگس فینس کو چپ کرایا تھا۔
Matthew Hayden said “Virat Kohli is a warrior athlete, players like him only get better. He has copped a bit of criticism around the strike rate, I love the way that it is fueled by his fire – A dangerous athlete is one that has been wounded”. [Star Sports] pic.twitter.com/dgM9Y72jYa
— Johns. (@CricCrazyJohns) May 14, 2024
آئی پی ایل 2024 میں وراٹ کوہلی کی کارکردگی
آئی پی ایل 2024 میں وراٹ کوہلی کا بلّا جم کرآگ اگل رہا ہے۔ ہرمیچ میں وراٹ کوہلی آرسی بی کے لئے کمال کی بلے بازی کر رہے ہیں۔ اس کے میدان پرکوہلی کھلاڑیوں اور ف ینس میں جوش بھرکر رکھتے ہیں۔ ابھی تک کھیلے گئے 14 میچوں میں وراٹ کوہلی نے 155 کے اسٹرائیک ریٹ سے 708 رن بنائے ہے۔ اس سیزن میں وراٹ کوہلی ایک سنچری بھی لگا چکے ہیں۔ اس کے علاوہ ان کے بلے سے 59 چوکے اور 37 چھکے نکل چکے ہیں۔ آرسی بی اب پلے آف میں پہنچ گئی ہے۔ راجستھان رائلس کے ساتھ اب 22 مئی کو آرسی بی ایلیمنیٹر مقابلہ کھیلے گی۔
بھارت ایکسپریس۔
