انٹرنیشنل کرکٹ کونسل (آئی سی سی) نے ٹی-20 بلے بازوں کی تازہ رینکنگ جاری کی ہے۔ ایشان کشن دنیا کے نمبر-1 ٹی-20 بلے بازبن گئے ہیں، جبکہ کئی مہینوں سے ٹاپ پرچل رہے ہندوستان کے ہی ابھیشیک شرما کونقصان ہوا ہے۔ آئرلینڈ کے خلاف دو ٹی-20 میچوں میں صرف 5 رن بنانے والے سنجوسیمسن ٹاپ-25 کھلاڑیوں سے بھی باہرہوگئے ہیں۔
اچھی بات یہ ہے کہ ٹی-20 بلے بازوں کی رینکنگ کے ٹاپ-8 کھلاڑیوں میں 4 ہندوستانی شامل ہیں۔ ایشان کشن کی بات کریں توانہوں نے اپنے کیریئرکی بہترین ریٹنگ حاصل کی ہے۔ ایشان کشن ابھی 876 کی ریٹنگ کے ساتھ دنیا کے نمبر-1 ٹی-20 بلے بازبنے ہوئے ہیں۔
ٹاپ-8 بلے بازوں میں 4 ہندوستانی
ٹی-20 رینکنگ کے ٹاپ-8 بلے بازوں میں 4 ہندوستانی ہیں۔ ایشان کشن پہلے مقام پرہیں، جبکہ ابھیشیک شرما ایک مقام پھسل کردوسرے مقام پرآگئے ہیں۔ تلک ورما نے اپنا چھٹا مقام محفوظ رکھا ہے، جوآئرلینڈ کے خلاف دوسرے ٹی-20 میں 55 رنوں کی نصف سنچری اننگ کھیل کرآرہے ہیں۔ وہیں، ٹی-20 ٹیم سے ڈراپ ہوچکے سابق کپتان سوریہ کماریادوآٹھویں مقام پرچلے گئے ہیں۔ پہلے نمبرپرایشان کشن ہیں جبکہ دوسرے نمبر پرابھیشیک شرما ہیں۔ تلک ورما چھٹے مقام پرہیں۔ سوریہ کماریادو8ویں مقام پرہیں۔
سنجوسیمسن آئرلینڈ کے خلاف پہلے ٹی-20 میں زیرواوردوسرے ٹی-20 میں صرف 5 رن بناکرآوٹ ہوگئے تھے۔ انہیں رینکنگ میں پانچ مقام کا نقصان ہوا ہے، جس کے بعد وہ 26ویں مقام پرچلے گئے ہیں۔ گیند بازی رینکنگ کی بات کریں تو آئرلینڈ کے خلاف سیریزکومِس کرنے والے ورون چکرورتی اورجسپریت بمراہ کوایک ایک مقام کا نقصان ہوا ہے۔ ورون چکرورتی دنیا کے نمبر-3 ٹی-20 گیندبازہیں اورجسپریت بمراہ ایک مقام پھسل کرچھٹے مقام پرآگئے ہیں۔
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
